An usa nga atleta kinahanglan padayon nga magbansay han iya mga muscle basi magpabilin nga maopay nga atleta. Ha pariho nga paagi, kinahanglan padayon nga mangalimbasog kita nga bansayon ngan tipigan an aton abilidad ha husto nga pagturotimbang. (Heb 5:14) Bangin may tendensya kita nga subaron la an mga desisyon han iba, pero kinahanglan gamiton naton an aton abilidad ha paghunahuna ngan magdesisyon para ha aton kalugaringon. Kay ano? Kay an tagsa ha aton magkakaada baratunon tungod han aton mismo mga desisyon.​—Ro 14:12.

Diri kita angay maghunahuna nga makakahimo na kita hin mag-opay nga desisyon tungod la kay damu ka tuig na kita nga bawtismado. Para makahimo hin maaramon nga mga desisyon, kinahanglan bug-os nga sumarig kita kan Jehova, ha iya Pulong, ngan ha iya organisasyon.​—Jos 1:7, 8; Pr 3:5, 6; Mat 24:45.

KITAA AN VIDEO NGA “TIPIGI AN MAOPAY NGA KONSENSYA,” NGAN BATONA AN MASUNOD:

• Ano an kinahanglan desisyonan ni Emma?

• Kay ano nga diri kita angay maghatag hin personal nga opinyon may kalabotan ha mga butang nga konsensya an magdidesisyon?

• Ano an maaramon nga sagdon kan Emma han usa nga mag-asawa?

• Diin hi Emma nakabiling hin mapulsanon nga impormasyon may kalabotan ha iya sitwasyon?