Hi Jehova an Hadi ha bug-os nga uniberso. Pirme niya kontrolado an sitwasyon. Pananglitan, gintalwas ni Jehova hi Jeremias han mameligro an iya kinabuhi ha usa nga atabay. Gintalwas niya hira Sadrak, Mesak, ngan Abednego ha naglalaga nga hudno ngan hi Daniel tikang ha mga leon. Ginproteksyonan niya hi Ester basi matalwas ni Ester an bug-os nga nasud. Diri tutugotan ni Jehova an karaotan nga magpadayon ha waray kataposan. An mga tagna mahitungod han daku hinduro nga estatwa ngan han daku gud nga kahoy naggagarantiya nga hirani na wad-on han Ginhadian ni Jehova an ngatanan nga karaotan ngan mamandoan hito an tuna.