Kon paonan-o ka magpapahimulos hin bug-os hini nga pag-aram ha Biblia
Siyahan, basaha an mga impormasyon dinhi ngan ha sunod nga pahina, katapos, i-play an VIDEO.
SIYAHAN NGA BAHIN
Kon nag-aandam para ha tagsa nga leksyon, basaha an siyahan nga bahin. Ginpapabug-atan han mga pakiana nga nakasurat ha bold nga letra (A) ngan han mga teksto (B) an nangunguna nga mga punto. Tigamni nga an pipira nga teksto ginmarkahan hin “basaha.”
BUTNGA NGA BAHIN
An siyahan nga mga pulong (C) ilarom ha Dugang nga Usisaha nagsasaysay han sunod nga paghihisgotan. An mga sub-ulohan (D) nagpapakilala han nangunguna nga mga punto. Kaupod an nagdudumara ha imo han pag-aram, basaha an mga teksto, batona an mga pakiana, ngan kitaa an mga video.
An mga kahon nga may VIDEO magdadara ha imo ha mga video ngan audio rekording nga maghahatag hin dugang nga impormasyon mahitungod han ginhihisgotan. An pipira nga video tinuod nga mga panhitabo. An iba naman, igindrama la nga mga sitwasyon ngan diri nagpapakita hin aktuwal nga mga panhitabo o indibiduwal pero nagpapakita hin reyalistiko nga mga sitwasyon.
Usisaha an mga retrato ngan kapsyon (E), ngan hunahunaa kon paonan-o mo babatunon an pakiana ha An Iba Nasiring (F).
KATAPOSAN NGA BAHIN
Gintatapos an leksyon pinaagi han Sumaryo ngan Repaso (G). Isurat an petsa kon san-o natapos an leksyon. Makikita ha An Puydi Mo Buhaton (H) an puydi mo pa himoon para padayon nga mahibaro. Makikita ha Dugang nga Impormasyon (I) an iba pa nga impormasyon nga puydi mo basahon o kitaon.
Mga Sulod
|
|
|
|
Kon paonan-o pamimilngon an mga teksto ha Biblia
An Biblia koleksyon hin 66 nga gudtiay nga libro. Gintunga ito ha duha nga seksyon: an Hebreo-Aramaico nga Kasuratan (“Daan nga Tugon”) ngan an Kristiano Griego nga Kasuratan (“Bag-o nga Tugon”).
Kon naghihisgot hin teksto dinhi hini nga publikasyon, makikita an ngaran han libro han Biblia (A), ginsusundan ito han kapitulo (B), ngan han bersikulo o mga bersikulo (C).
Pananglitan, an Juan 17:3 nagtutudlok ha libro han Juan, kapitulo 17, bersikulo 3.
Bangin Maruyagan Mo Liwat
KOMON NGA MGA PAKIANA
Ano an Pag-aram ha Biblia nga Igintatanyag han mga Saksi ni Jehova?
Ha libre nga interactive nga programa nga igintatanyag han mga Saksi ni Jehova, puydi mo gamiton an bisan ano nga bersyon han Biblia. Ayaw pag-alang nga paupdon an imo bug-os nga pamilya o an imo kasangkayan.
