“Gawas kamo tikang ha ira, ngan bulag kamo, . . . ngan ayaw na kamo kapot han mahugaw nga butang.”​—2 Corinto 6:17

Kay ano nga sayop an pagsingba ha imahen ngan ha kaapoy-apoyan?

• Eksodo 20:4, 5; 1 Juan 5:21

  Diri naruruyag hi Jehova nga gumamit kita hin mga imahen ha aton pagsingba.

• Deuteronomio 18:10-12

  An nakikigkomunikar ha mga patay ha pagkamatuod nakikigkomunikar ha mga demonyo.

“Padayon nga siguroha kon ano an naruruyagan han Ginoo.”​—Efeso 5:10

Ano an imo bubuhaton basi hibaroan mo kon sadang ka ba makigbahin ha usa nga selebrasyon?

• Esekiel 44:23; 2 Corinto 6:14, 15

  Usisaha kon may pagano ito nga gintikangan.

• Eksodo 32:2-10

  Bisan kon maopay an motibo han nag-oorganisar han selebrasyon, bangin diri gin-uuyonan han Dios ito nga selebrasyon.

• Daniel 3:1-27

  Likyi an mga selebrasyon nga nagpapasidungog ha mga tawo, mga organisasyon han tawo, o mga simbolo han nasud.

• 1 Timoteo 1:18, 19

  Gamita an imo abilidad ha pagturotimbang ngan siguroha nga makagtipig ka hin maopay nga konsensya ha atubangan ni Jehova.

“Magin buotan kamo pirme ha iyo pagyakan, sugad hin gintitimplahan ito hin asin. Kon buhaton niyo ini, mahibabaro kamo kon paonan-o mabaton ha tagsa nga tawo.”​—Colosas 4:6

Paonan-o mo sadang isaysay ha iba an imo gintotoohan?

• Mateo 7:12

  Respetoha an desisyon han iba sugad la nga karuyag mo respetuhon nira an imo desisyon.

• 2 Timoteo 2:24

  Magin buotan pirme, ngan ayaw pakig-away ha iba tungod han imo gintotoohan.

• 1 Pedro 3:15

  Depensahi an imo gintotoohan ha malumo ngan may pagtahod nga paagi.

• Hebreo 10:24, 25

  Ha Kristiano nga mga katirok, madadasig ka han iba nga natambong ngan mabubuligan kon ano an imo isisiring kon ginkukwestyon an imo gintotoohan.