An iba natoo . . .

nga usa ito nga kabungkagan han bug-os nga kalibotan pinaagi han nuklear nga mga hinganiban, o kadaot han palibot. Ano ha imo hunahuna?

Kon ano an ginsisiring han Biblia

An Armagedon amo an simboliko nga lugar han ‘girra ha daku nga adlaw han Dios nga Makagarahum-ha-ngatanan,’ an iya pakiggirra ha mga magraot.​—Pahayag 16:14, 16.

Ano pa an aton mahibabaroan ha Biblia?

• Makikig-away an Dios ha girra han Armagedon, diri basi bungkagon an tuna, kondi basi talwason ito tikang ha kadaot nga ginhihimo han katawohan.​—Pahayag 11:18.

• Tatapuson han girra han Armagedon an ngatanan nga girra.​—Salmos 46:8, 9.

Ano an imo baton?

• Oo

• Diri

• Bangin

Kon ano an ginsisiring han Biblia

An “daku nga grupo” han katawohan tikang ha ngatanan nga nasud makakatalwas ha “daku nga kasakitan,” nga matatapos ha girra han Armagedon.​—Pahayag 7:9, 14.

Ano pa an aton mahibabaroan ha Biblia?

• Karuyag han Dios nga damu an matalwas ha Armagedon, tubtob nga posible. Bubungkagon la niya an mga magraot kon diri na gud hira magbabag-o.​—Esekiel 18:32.

• Mababasa ha Biblia kon paonan-o makakatalwas ha Armagedon.​—Sepania 2:3.