Kon nagbabasa kita han Biblia, mahimo kita mamiling hin espirituwal nga mga hiyas pinaagi ha pag-research. Pero paonan-o kita mas magpapahimulos?

Dugang nga usisaha an mga detalye han mga rekord han Biblia. Pananglitan, usisaha kon hin-o an nagsurat hito, para kan kanay, ngan kakan-o. Ano an kahimtang hito nga panahon, ano an nahitabo antes hito, ngan ano an nahitabo katapos hito?

Hunahunaa an mga leksyon pinaagi ha pag-research han mga pakiana sugad han: ‘Ano an gin-abat han mga tawo ha imo ginbabasa? Ano nga mga kalidad an ira iginpakita? Kay ano nga dapat ko subaron ito nga mga kalidad o likyan ito?’

Iaplikar an mga leksyon nga imo hinbaroan ha imo ministeryo o ha imo pagtratar ha iba. Kon buhaton mo ini, maipapakita mo an kinaadman han Dios, sugad han ginsisiring han Biblia: “Bisan hin-o nga maaramon makakakita hini nga mga butang.”—Sal. 107:43.

• Tip: Pansina kon paonan-o an bahin nga ginhihisgotan ha midweek nga katirok nga Mga Bahandi Tikang ha Pulong han Dios nabulig ha aton nga magpokus kon paonan-o ito ig-aaplikar. Hini nga seksyon, pirme may-ada mga pakiana nga puydi naton igpakiana ha aton kalugaringon, mga punto nga puydi naton pamalandungon, ngan mga ilustrasyon nga puydi naton usisahon.