Basaha an Jeremias 38:​1-13 basi mahibaro ha kaisog nga iginpakita ni propeta Jeremias ngan han yunuko nga hi Ebed-melec.

Analisara an konteksto. Paonan-o iginpakita ni Jeremias an kaisog ha pagpasamwak ha mensahe ni Jehova? (Jer. 27:​12-14; 28:​15-17; 37:​6-10) Ano an nagin reaksyon han mga nakabati hito?​—Jer. 37:​15, 16.

Dugang nga usisaha. Ano nga pagpresyur an gin-atubang ni Jeremias? (jr 26-27 ¶20-22) Kitaa kon ano an imo mahibabaroan mahitungod ha kadaan nga tirokan hin tubig. (it-1-TG 1073-1074) Ano daw la an gin-abat ni Jeremias han nakadto hiya ha malagay nga tirokan hin tubig? Ano daw la an mga ginkakahadlokan ni Ebed-melec nga kinahanglan niya malamposan?​—w12-TG 5/1 31 ¶2-3.

Hibaroi an mga leksyon. Pakianhi an imo kalugaringon:

• ‘Ano an igintututdo ha akon hini nga rekord mahitungod han paagi ni Jehova ha pagprotektar niya ha iya maunungon nga mga surugoon?’ (Sal. 97:10; Jer. 39:​15-18)

• ‘Ha ano nga mga sitwasyon kinahanglan ko ipakita an kaisog?’

• ‘Paonan-o ako magigin mas maisugon ha pagbuhat han tama kon ginpipresyur?’ (w11-TG 3/1 30) a