Kon Paonan-o Nira Nalamposan an Pag-ipit han mga Kaupod

AN HINGYAP nga karawaton nakakaimpluwensya han damu nga umuyon ha panhunahuna ngan mga buhat han ira mga kaupod. Labi na an mga batan-on nagkikinahanglan hin kusog ha pagdumiri ha pakigbahin ha nakakadaot nga mga buhat, sugad han pag-abuso ha droga ngan seksuwal nga imoralidad. Paonan-o nira malalamposan an pag-ipit han mga kaupod?

Duha nga daragita ha Polandia an bag-o la nga nagsurat: “Nakikita gud an espiritu han kalibotan ha damu han amon mga kaupod. Nangungupya hira ha ira mga eksamin ha eskwelahan, nagamit hin malaw-ay nga mga pulong, ngan mahilig ha uso nga bado ngan maaringasa, imoral nga musika. Malipayon gud kami nga mayada han mga artikulo nga nagtatagad ha amon nga mga batan-on ngan nagpapanalipod ha amon tikang ha impluwensya han diri-kontento ngan rebelyoso nga mga tinedyer!

“An mga pulong diri makakagpahayag han amon pagpasalamat ha mga artikulo han Barantayan nga nagpapasabot ha amon nga sugad nga mga batan-on ginkikinahanglan ngan inaapresyar kami. An sagdon han Biblia nga nakakarawat namon nakabulig ha amon ha husto nga paggiya han amon mga pitad basi magpadayon ha pagpalipay kan Jehova nga Dios. Kombinsido kami nga an matinumanon nga pag-alagad kan Jehova amo an gimaopayi nga paagi han kinabuhi.”

Oo, malalamposan han mga batan-on an pag-ipit han mga kaupod. Pinaagi han pagbansay han ira ‘mga abilidad ha pagsabot,’ nahibabaro an Kristiano nga mga batan-on ha paghimo hin maaramon nga mga desisyon nga diri nagpapakita han “espiritu han kalibotan” kondi, “han espiritu nga tikang ha Dios.”—Hebreo 5:14; 1 Korinto 2:12.