Usa ka Hitabo nga Diri Mo Sadang Hingalimtan

“An ngatanan nga maopay nga hatag ngan an ngatanan nga hingpit nga hatag” tikang ha Dios, an aton langitnon nga Amay.—Jakobo 1:17.

AN GIDADAKUI nga regalo nga iginhatag han Dios ha makasasala nga katawohan amo an tagana para han ira katalwasan pinaagi han iya bugtong nga Anak, hi Jesu-Kristo. An kamatayon ni Jesus, nga aton Manunubos, amo an hinungdan nga nagin posible an kinabuhi nga waray kataposan ha paraiso nga tuna. Ha Lukas 22:19, ginsusugo kita nga isaurog an iya kamatayon.

Malipayon nga gindadapit ka han mga Saksi ni Jehova nga umupod ha ira ha pagsunod ha sugo ni Jesus. Inin tinuig nga okasyon igsasaurog ha katunod han adlaw ha petsa nga katugbang han Nisan 14 ha lunar nga kalendaryo han Biblia—Domingo, Abril 8, 2001. Tigamni ini nga petsa basi diri mo hingalimtan. An mga Saksi ni Jehova ha imo lugar an makakagsumat ha imo han eksakto nga lugar ngan oras han katirok.