Tinuig nga Katirok Oktubre 6, 2001

AN TINUIG NGA KATIROK han mga membro han Watch Tower Bible and Tract Society of Pennsylvania pagdudumarahon ha Oktubre 7, 2001, ha Assembly Hall of Jehovah’s Witnesses, 2932 Kennedy Boulevard, Jersey City, New Jersey. An siyahan nga katirok han mga membro la paghihimoon ha alas-9:15 h.a., susundan han kabug-osan tinuig nga katirok ha alas-10:00 h.a.

Sadang sumatan han mga membro han Korporasyon an Opisina han Sekretaryo yana han bisan ano nga pagbag-o han ira adres ha koreo durante han naglabay nga tuig basi an regular nga mga surat han pahibaro ngan mga dokumento kon diri makakatambong makaabot ha ira durante han Hulyo.

An mga dokumento, nga ipapadara ha mga membro upod an pahibaro han tinuig nga katirok, ibabalik basi makaabot ha Opisina han Sekretaryo han Sosiedad antes han Agosto 1. Sadang kompletuhon ngan ibalik dayon han tagsa nga membro an iya dokumento, nagsusumat kon hiya ba personal nga matambong ha katirok o diri. An impormasyon nga iginhatag ha tagsa nga dokumento sadang magin sigurado hini nga punto, tungod kay ibabasar hito an pagsiguro kon hin-o an personal nga matambong.

Ginlalaoman nga an bug-os nga sesyon, upod na an pormal nga katirok mahitungod ha pinansyal ngan mga report, tatapuson ha ala-1:00 h.k. o diri maiha katapos hito. Waray sesyon ha kulop. Tungod han limitado nga lugar, an mayada la tiket an makakasulod. Waray mga kahikayan ha pagkonektar han tinuig nga katirok pinaagi han mga linya han telepono ngadto ha iba nga awditoryum.