An Pinakaimportante nga Hitabo ha Kasaysayan

ITO amo an kamatayon ni Jesu-Kristo. Kay ano nga importante gud ito? Tungod ha damu nga mga hinungdan.

Pinamatud-an han pagkamatinumanon ni Jesus tubtob ha kamatayon nga an usa ka tawo mahimo makagtipig han pagkamaunungon ha Dios.

An kamatayon ni Kristo naghatag hin higayon para ha pipira nga magin iya mga igkasi-magmarando ha langit. Inabrihan liwat hito an dalan para han damu pa nga magpahimulos han kinabuhi nga waray kataposan ha paraiso nga tuna.

Ha gab-i antes hiya mamatay, ginamit ni Jesus an waray-ipaturubo nga tinapay ngan mapula nga alaksiw sugad nga mga simbolo han iya mahigugmaon nga tawhanon nga halad. Ngan iya ginsumatan an iya mga disipulo: ‘Padayon nga buhata niyo ini ha paghinumdom ha akon.’ (Lukas 22:19) Hinunumdoman mo ba inin importante nga hitabo?

Malipayon nga gindadapit ka han mga Saksi ni Jehova nga umupod ha ira ha pagsaurog han Memoryal han kamatayon ni Jesus. Hini nga tuig isasaurog ini ha Huwebes, Marso 28, katunod han adlaw. Mahimo ka tumambong ha Kingdom Hall nga gihiranii ha imo balay. Alayon pagpakiana ha mga Saksi ni Jehova ha imo lugar para han eksakto nga oras ngan lugar.