Mahahanduraw Mo ba an Imo Binabasa?

BASI mahanduraw an mga panhitabo, mabubuligan ka gud kon pamilyar ka ha mga lugar dida ha imo binabasa. Pananglitan, tagda an mga pagbiyahe ni apostol Pablo sugad nga misyonero, nga iginsaysay ha libro han Biblia nga Mga Buhat. Ha iya siyahan nga biyahe, nagtikang hiya ha Antiokia, diin an mga sumurunod ni Jesus siyahan nga tinawag nga mga Kristiano. Tikang didto nagbiyahe hiya ngadto ha mga lugar sugad han Salamis, Antiokia ha Pisidia, Ikonyo, Listra, ngan Derbe. Mahahanduraw mo ba kon diin ini nga mga lugar?

Bangin diri, kon waray ka mapa. Ha bag-o nga 36-pahina nga brosyur nga “See the Good Land,” may-ada hito nga mapa. An usa nga magbarasa tikang ha Montana, E.U.A., mapasalamaton nga nagkomento: “Nakikita ko an mga pagbiyahe ni Pablo ngan ginhahanduraw ko an paagi han pagbiyahe ngan an pagpasamwak han maopay nga sumat nga iya ginbuhat ngan han iba pa nga mga Kristiano ha siyahan nga siglo. Salamat ha iyo tungod hinin maopay nga mapa.”

An mapa han mga pagbiyahe ni Pablo usa la han damu nga mapa dida hini nga brosyur nga mabulig ha magbarasa nga mahanduraw an iginsasaysay ha Biblia. Mahimo ka maghangyo hin usa nga kopya han “See the Good Land” pinaagi han pagsurat dida ha kaupod nga kupon ngan ipadara ito ha adres nga ipinakita dinhi o ha angayan nga adres ha pahina 2 hini nga magasin.

□ Waray obligasyon, naghahangyo ako hin usa nga kopya han brosyur nga “See the Good Land.”

□ Alayon pakigkita ha akon para ha libre nga pag-aram ha Biblia ha balay.

[Ginkuhaan han Retrato ha pahina 32]

Pictorial Archive (Near Eastern History) Est.