Usa nga Bata nga Mahinatagon

HININ bag-o la, usa nga noybe anyos nga bata nga babaye ha Brazil an nagdesisyon nga bahinon an iya gintirok nga kwarta—mga 800 pesos ngan 1,175 pesos. An guroguti nga kantidad iya iginhulog ha kahon han kontribusyon ha ira Kingdom Hall basi makaamot ha mga garastohan ha kongregasyon. Katapos, an durodaku nga kantidad iya iginpadara ha sanga nga opisina han mga Saksi ni Jehova, lakip an halipot nga surat. An iya surat nasiring: “Karuyag ko ini idonar ha bug-os-kalibotan nga buruhaton. Hingyap ko nga buligan an damu nga kabugtoan ha bug-os nga kalibotan ha pagsangyaw han maopay nga sumat. Iginhahatag ko ini tungod han akon daku nga gugma kan Jehova.”

Gintutdoan ini nga bata han iya mga kag-anak han pagkaimportante han personal nga pagbulig ha pagsangyaw han Ginhadian. Ira liwat iginpasilsil ha iya nga kinahanglan ‘pasidunggan hi Jehova [pinaagi] han iya manggad.’ (Prob. 3:9) Pariho hini nga bata, hinaot kita ngatanan magin madasigon ha pagsuporta ha buruhaton han Ginhadian, ha kongregasyon ngan ha bug-os nga kalibotan!