•   “Mga katunga han mga adulto ha U.S. an nagsiring nga nasusubo hira tungod han pag-abat nga nag-uusahan la, ngan labi nga naieksperyensyahan ini han mga batan-on.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “Iginpahibaro [han World Health Organization] an bag-o nga grupo nga Commission on Social Connection, diin magri-research hira parte ha kasubo tungod ha pag-abat nga nag-uusahan la kay problema ini ha kahimsog nga dapat aksyonan dayon, mag-aaghat hira ha mga tawo nga magpokus ha pagkaada maopay nga relasyon ha iba, ngan mamimiling hira hin mas maopay nga mga paagi basi masolusyonan ini nga problema ha ngatanan nga nasud, pobre man o riko.”—World Health Organization, Nobyembre 15, 2023.

 An Biblia naghahatag hin praktikal nga sagdon nga mabulig ha aton kon paonan-o magkakaada maopay nga relasyon ha iba.

 Ibani an mga buruhaton nga nagigin hinungdan nga mag-inusahan ka la. Upod hini an sobra nga pagginamit han social media. Lugod, pamiling hin mga higayon nga aktuwal nga makaupod an mga tawo para magkaada ka tinuod nga kasangkayan.

•   Prinsipyo ha Biblia: “An tinuod nga sangkay nahigugma ha ngatanan nga panahon ngan usa nga bugto nga natawo para ha mga panahon han kasakitan.”—Proberbios 17:17.

 Pamiling hin mga oportunidad ha pagbulig ha iba. Kon may ginbubuhat kita nga maopay ha iba, diri la ito nagpaparig-on han aton relasyon ha ira kondi nakakapalipay liwat ito ha aton.

•   Prinsipyo ha Biblia: “Mas daku an kalipay ha paghatag kay ha pagkarawat.”—Buhat 20:35.

 Bisitaha an amon website para hin dugang nga mapulsanon nga impormasyon tikang ha Biblia parte ha kon paonan-o magkakaada maopay nga kasangkayan.