NGANG AMBEL GAL ENAM WAL
12: Enal nepisen wal
NALNE PILDOM
Endel nepisen wal e wurkubanj aei ma—wal wei mine wonda nepisen wal. Pisen wal e wei mine wonda nepin dal, wal endel mal erkun ere, kine molo, kongan kumbol ngo endel.
Enal nepisel wal, kunum pende, wakan pende, oll pende mo kongar ende wopundo endel. Kongar sinda panda wal enal nepindal, kunum ipal sinda wal mora yero endel.
NALENDE WAL KERMA PAIM
Enal nepisen wal erkaple erindal, nenem bol pilgi nindel, ende bol senonon mem erdongal endel, ala kapil mein mem wose kerma punda eri.
Nenem bol-pilgi nindel: Nim wal kere kere enal nepisen wal erkaple erin dal, nenem bol pilgine, wal kerma kerma enal kaple enem nepisel. Ala kunum ding dingne ombun mine wonda bar nim kumbol dongal panda—ende embe, alamb nim wal napaim mal endel paninam kunum.
Ende bol senonon mem: Ende wal enal padom mal wei enem kunum, alamb ende olom bol kapisim—e, olom sinal nepisem wal kongan ombol er sinal ne enem. Ala ende bol senonon mem erdongal enal nepin dal, bunuman dingmal panda alamb bol kongan ai enambel.
Kapisen mem: Nim wal ende enal pane paksen wal erkaple enen kunum, erkaple erind ne kapisen.
“Na wal pende erkaple enal nepis bar kawei pis. E erkelde anj dunglom ende aei naseim, kongan kunum kunum erind. Wal ende enal nepisen wal erkaple enen kunum, kapile embe don, ‘Wusa, enal nepinj wal weieri erkaple erind padon!’”—Kristopa.
BAIBEL KOLTA YU: “Ye ende pop wonda bar dungol pakil meim, wal ombom nakerem, ala ye ende kupo a kanmeim, olom mokne ende talsi nanonda.”—Eklisiastis 11:4, Today’s English Version.
ENDEL WAL
Wusngam embe mal karkar ere, enal nepisen wal erkaple endel.
Endel wal kanjel. Enal kaple enda nepisel wal bol mene kerel—wal yero endel, bulto endel, na pende erpundol mal namba bol moksol:
Enal nepisen wal. Wal ding dingne enal nepisen bar embe endel:
Erpor ninal nepisel kunum det borol.
Wusngam pende karkar endel mal erkun endel.
Ombun wo kol tungda, tuirondol mal kanpol tondol.
Endel wal. Enal nepisen wal, kanpol weiro enal ne naendel. Nenem ki embe ngondol, ‘Yero wei nalwal ere, enal nepis wal erkaple enal?’ Enal nepisen wal pulnom bol endel. Wal ding dingne enal panin wal erpor nindel kunum ala omukro kanjel.
BAIBEL KOLTA YU: “Kongan ombol er enem ye, enal pane paksem bar wal kawei mine wonda.”—Provep 21:5.
