1. Mal Kopo

“Ala mal kopo kerma ronda.”​—LUK 21:11, NWT.

● Mal kopo kerma ende kulu Haiti tongo gar gurne mom bar Waine, kongar tal mal mom ngal to mento kel pakim kansinjip. Ombun embe wonom bar TV nius kongan er ere erjip ga, ngal ke ipal pende nim pinjin paninjip. Ambel e kol mom ba dam mam tal gonjil.

WAL NAWAL PENDE YIPE MINE WONOM? Kongar 2010 Jenwari kunum, mal kopo kerma kes kulu Haiti to alamb 300,000 minto togom. Ala alamb 1.3 millien poro gul gar nasem. Mal kopo kerma e kulu Haiti mongse narom. Epril 2009 na Epril 2010 tuwalto, kopo kerma embe kulu 18 jeljel tom eri.

ALAMB PULI NAL BUNUMAN PAIM? Yipe mal kopo puli naronom; nalenem yipe sape kol si masin pende enjip pakrondo, mal kopo ronom mal kanpol weiro, komna kanjip e ngomon.

NIM PISEN BUNUMAN E KUN PAIM MO? Nim pile: Kunum porninda kunum, mal kopo nalnal tonda Baibel namba kun nadom. Ba Baibel dom “mal kopo kerma kerma” “kulu jeljel puli” tonda pandom. Ala e erkelde alamb puli yipe nal kunum wei meimen kanpol tonam.—Mak 13:8; Luk 21:11.

NIM NALNE PISEN? Mal kopo kerma kerma tonda pane Baibel yu propet ne pakim, wei mine wondo kanen mo?

Mal kopo mongse erkelde kunum pordom bar meimen pa nanimen. Yu propet puli mongom tom bar mal kopo e ende. Ala yu porpet ende mongom tom kane.

[Blurb]

“Kin [saintis] mal kopo kerma tonom panimen. Alamb porpor ombun kerma wei panim.”​—KEN HUDNUT, U.S. GEOLOGICAL SURVEY.

[Picture Credit Line]

© William Daniels/Panos Pictures