ʼEi. ʼE feala ki he tahi ke fakafisi ki tona ʼuhiga Fakamoʼoni ʼa Sehova ia aluʼaga ʼe lua:

• ʼAki hana fai he tohi. ʼE feala ki he tahi ke ina tala gutu feia peʼe faitohi moʼo fakaha ia te tonu ʼae neʼe ina toʼo ke mole toe kau ki te kau Fakamoʼoni ʼa Sehova.

• ʼAki tana aga. ʼE feala ki he tahi ke ina fai he aga ʼe mamaʼo ai mai tomatou fale tau tehina ʼae ʼi te malamanei. (1 Petelo 5:9) Ohage la, ʼe alu ʼo pipiki ki he tahi lotu pea mo kau ki ai.​—1 Soane 2:19.

Kailoa ia. Ko te mavae ʼa he tahi mai tamatou kautahi ʼuhi he neʼe ko tona pe ia loto tokotahi, ʼe kehekehe ia mo he tahi ʼe kua vaivai tana tui. ʼI te agamahani, ko natou ʼae mole kei faifakamafola mo fono ʼe mole fakaʼuhiga kua natou fakafisi ki tanatou tui kaʼe ʼe natou lotovaivai. ʼE mole matou liʼakinanatou kaʼe ʼe matou tokoni mo fakalotofimalieʼi natou. (1 Tesalonika 5:14; Suta 22) Kapau ʼe kumi tokoni he tahi, ʼe feala ki te kau tagata ʼafeā ʼo te kokelekasio ke natou tokoni ki ai ʼi te faʼahi fakalaumalie.​—Kalate 6:1; 1 Petelo 5:1-3.

Kaʼe, ʼe mole puleʼi e te kau tagata ʼafeā he tahi ke nofo maʼu ʼi tona ʼuhiga Fakamoʼoni ʼa Sehova. ʼE tahi filifili e te kilisitiano takitokotahi te lotu ʼae ke kau ai. (Sosue 24:15) ʼI tamatou manatu, ko natou ʼae ʼe atolasio ki te ʼAtua, ʼe tonu ke natou fai ʼaki he lotolelei mo te loto katoa.​—Pesalemo 110:3, MN; Mateo 22:37.