TE TULE LE’O (NUSIPEPA AKO) Oketopeli 2018
ʼE maʼu ʼi te nusipepa ʼaeni te ʼu alatike ako ʼo te ʼaho 3-30 ʼo Tesepeli 2018.
Tou Fakaha Te Moʼoni
He koʼe ʼe loi ia te hahaʼi, pea kotea ʼona fua? ʼE feafeaʼi hatatou fefakahaʼaki te moʼoni?
Tou Akoʼi Te Moʼoni
ʼI te kei maʼu ʼo he faigamalie, ʼe tonu ke tou faifakamafola ʼo tou kamata he ʼu ako Tohi-Tapu pea mo akoʼi te moʼoni ki te hahaʼi. ʼE tokoni feafeaʼi mai ʼatatou Meʼa Gaue Ki Te Faiako?
Tou Falala Ki Totatou Takitaki—Ia Kilisito
Ko te kautahi ʼa te ʼAtua ʼe vave tana haʼele ki muʼa, kae ʼe ʼi ai koa he ʼu tupuʼaga ke tou falala ai ki totatou Takitaki ko Sesu?
Tou Taupau Te Tokalelei ʼo Te Loto Logo La Te ʼu Fetogi ʼi ʼOtatou Maʼuli
Moka hoko he ʼu aluʼaga fakapunamaʼuli ʼi ʼotatou maʼuli, ʼe tou lotohoha ʼuhi ko te ʼu fetogi ʼae ʼe tou tau mo ia. ʼE tokoni feafeaʼi mai te “tokalelei ʼo te ʼAtua” moka hoko he ʼu fetogi ʼi ʼotatou maʼuli?
TONATOU MAʼULI
Neʼe Tapuakinaʼi e Sehova Ia Taku Fakatuʼutuʼu
ʼI tana kei tupulaga, Neʼe fakalahi e Charles Molohan ia tana gaue faifakamafola ʼaki tana kole ʼae ke gaue ʼi te Petele. Talu mai ai, neʼe tapuakinaʼi e Sehova ia Charles.
