ʼEi, he ʼe ʼaki te taʼi aluʼaga ʼaia ʼe feala pe ke ui neʼe hoko he ʼu felaveʼi fakasino heʼe ʼaoga. Koia, kapau neʼe nā nonofo ʼateaina pe kae mole hona tupuʼaga, ʼe tonu anai ke fai he komite faifakamau.—1 Kolonito 6:18.

ʼE vakavakaʼi fakalelei anai e te kolesi ʼo te kau tagata ʼafeā te ʼu aluʼaga takitahi ke natou iloʼi pe ʼe tonu ke fai he komite faifakamau. Ohage la, ʼe natou fai anai te ʼu fehuʼi ʼaeni: Neʼe fakatahi koa te foʼi toko lua ʼaia? Neʼe kua tokoniʼi koa naua ʼi muʼa atu e te kau tagata ʼafeā ʼo ʼuhiga mo te aga ʼae ʼe nā femaʼuʼaki? Kotea ʼae neʼe tupu ai tanā nonofo ʼateaina pe ʼi te po ʼaia? Neʼe kua nā fakatuʼutuʼu koa ki ai? Neʼe ʼi ai koa he tahi age puleʼaki? Pe neʼe hoko koa he aluʼaga fakapunamaʼuli peʼe fakavilivili ʼo tupu ai tanā nonofo ʼateaina pe ʼi te po ʼaia? (Ekelesiasi 9:11) Neʼe nā tahi momoe koa, pe neʼe nā momoe fakatahi? ʼE mole tatau te ʼu aluʼaga takitahi, koia ʼe lagi ʼaoga anai ke vakaʼi e te kau tagata ʼafeā te tahi ʼu faʼahi ke feala ai hanatou toʼo he tonu.

Ka kua natou ʼosi vakavakaʼi ia te ʼu faʼahi fuli, ʼe natou toʼo ai anai te tonu ʼae pe ʼe maʼua ke fai he komite faifakamau peʼe kailoa.