TAUʼI TE LOTOHOHA
ʼE Mole Kei Tou Lotohoha Anai
ʼE tokoni mai te poto ʼo te Tohi-Tapu ke mole tou hoha fau. ʼE mole feala foki hatatou taʼofi te ʼu meʼa fuli ʼae ʼe fakatupu lotohoha kia tatou. Kae gata pe ki te Tupuʼaga. Neʼe ina hinoʼi ia Sesu Kilisito ke tokoni mai kia tatou. ʼE kua vave fakahoko pe e Sesu te ʼu milakulo fakaofoofo ʼi te kele katoa, ʼo lahi age ʼi ʼae neʼe ina fakahoko ʼi tana kei nofo ʼi te kele. Ohage la:
ʼE INA FAKAMALOLO ANAI TE ʼU MAHAKI.
“Neʼe ʼaumai kia te ia ia natou fuli ʼae neʼe tau mo te ʼu mahaki pea mo te ʼu mamahi kehekehe . . . , pea neʼe ina fakamalolo natou.”—MATEO 4:24.
ʼE TAHI MAʼU ANAI TONA ʼAPI MO TANA MEʼA KAI.
“E natou [ia natou ʼae ka puleʼi anai Kilisito] fakatuu anai ni fale, pea e natou nonofo anai i ai; e natou to anai ni gaueaga vite, pea e natou kai anai onatou fua. E mole anai natou fakatuu ni fale ke nofo ai he tahi kehe, pea e mole anai natou to ni gaueaga vite ke kai e he tahi kehe te fua.”—ESAIA 65:21, 22.
ʼAKI TANA PULE, ʼE TOKALELEI MO FIMALIE ANAI TE MAʼULI ʼI TE KELE KATOA.
“ ʼI tona ʼu ʼaho ʼe tupu anai te tagata faitotonu, pea ʼe lahi anai te tokalelei ʼo aʼu ki te puli ʼo te mahina. Pea ʼe ʼi ai anai tana hahaʼi fakalogo mai te tai ki te tahi tai pea mai te Vai tafe ki te ʼu potu taupotu ʼo te kele. . . . ’E ʼemo anai te efu e tona ’u fili.”—PESALEMO 72:7-9, MN.
ʼE INA FAKAGATA ANAI TE HEʼE FAITOTONU.
“ ʼE fakaʼofaʼofa anai kia ia ʼae ʼe veliveli pea mo ʼae ʼe masiva, pea ʼe ina haofaki anai te ʼu maʼuli ʼo te kau masisiva. Mai te taʼomia pea mo te agamalohi ʼe ina totogi anai tonatou ʼu maʼuli.”—PESALEMO 72:13, 14, MN.
ʼE INA PULIHI ANAI TE MAMAHI MO TE MATE.
“ ʼE mole toe ʼi ai anai te mate, mo te putu, mo te lauga pea mo te mamahi.”—FAKAHA 21:4.
