Ka tou lau te Tohi-Tapu ʼe tou fai anai he ʼu fekumi ke tou mahino lelei age ki te ʼu meʼa ʼae tou lau. Kae ʼe mole tou fia ako pe ke lahi age tatatou mahino ki te Tohi-Tapu. ʼE tou toe fia maʼu he ʼu koloa fakalaumalie ʼo ʼuhiga mo Sehova ke lahi age ai tatatou ʼofa kia te ia. Koia ʼe lelei ke tou fai te fehuʼi ʼaeni: ‘Kotea ʼae ʼe au ako ʼi te koga Tohi-Tapu ʼaeni ʼe au lau ʼo ʼuhiga mo Sehova?’

ʼE feala ke tou kumi ʼi tatatou lau ʼaia te ʼu kalitate maʼuhiga ʼo Sehova ʼae ko te ʼofa, te faitotonu, te poto pea mo te mafimafi. Pea ʼe lahi te tahi atu kalitate ʼo Sehova ʼe feala ke ke toe ako. ʼE ke maʼu ʼifea ʼihi fakamahino ʼo ʼuhiga mo tona ʼu kalitate?

Vakaʼi ʼi te Kumiʼaga Tohi ʼa Te Kau Fakamoʼoni ʼa Sehova ʼi tona kupu tafito “Sehova ʼAtua” pea ʼi te kupu “Te ʼu kalitate ʼo Sehova.” Pea vakaʼi leva ʼi te lisi ʼaia te ʼu kalitate ʼo Sehova ʼe feala ke ke maʼu ʼi te koga Tohi-Tapu ʼae ʼe ke lau.