Ko Smita, * neʼe ko he fafine neʼe taʼu 35, pea neʼe maʼuli ʼi te kolo ko Dhaka, ʼi Bangladesh. Neʼe ko he fafine loto manavaʼofa, mo faʼ fafine loto manavaʼoffakamalotoloto ke iloʼi e te hahaʼi ia te ʼu moʼoni ʼo ʼuhiga mo te ʼAtua. Kaʼe fokifa pe, neʼe tau mo te mahaki faigataʼa. Hili ki ai te vahaʼa, neʼe mate. Koia neʼe punamaʼuli ai tona famili pea mo ʼona kaumeʼa.

Ko James pea mo tona ʼohoana, neʼe ko he taumatuʼa neʼe kei nā taʼu 30 tupu pea neʼe nā maʼuʼuli ʼi New York. Neʼe tatau pe tanā aga mo ʼae ʼa Smita. ʼI te tahi ʼaho neʼe nā olo ki te potu Uesite ʼo Amelika, ʼo ʼaʼahi ʼona kaumeʼa. ʼI tanā ʼi ai, neʼe hoko ia te fai fakaʼi ʼo nā mamate ai. Neʼe lotomamahi ʼaupito ʼonā famili pea mo ʼonā kaumeʼa.

ʼE tou tokagaʼi ʼe hoko te ʼu tuʼutamaki ʼi te ʼaho fuli, ʼi te ʼu potu fuli ʼo te kele. ʼE lahi te ʼu mateā ʼe hoko ʼuhi ko te tau, kaʼe ʼe mole gata pe ki te kau solia. ʼE hoko te ʼu faifakapo pea mo te ʼu agamalohi ki te hahaʼi agalelei. ʼE hoko te ʼu fai fakaʼi ʼo mamate ai te hahaʼi peʼe ko he ʼu mahaki kovi ʼe palalisia ai te hahaʼi matutuʼa. ʼE hoko te ʼu tuʼutamaki fakanatula ʼi te ʼu potu fuli ʼo te kele. Kua mafola ia te fehiʼa ʼae ki te lanu pea mo te ʼu aga heʼe faitotonu. Neʼe kua lagi hoko pe la he aluʼaga kovi kia koutou.

Koia ʼe tou fai ai te ʼu fehuʼi ʼaeni:

• He ko ʼe ʼe hoko te ʼu malaʼia ki te hahaʼi agalelei?

• ʼE feala koa ke tou tukugakoviʼi te ʼAtua?

• ʼE ko he ʼu aluʼaga koa ʼe hoko fakafokifa peʼe neʼe hoko ʼuhi ko te tagata?

• ʼE hoko koa kia tatou te ʼu malaʼia ʼuhi ko te Karma, ʼae ʼe fakaʼuhiga ki he ʼu aga ʼe kovi neʼe tou fakahoko ʼi totatou maʼuli ki muʼa atu?

• Kapau ʼe ʼi ai he ʼAtua mafimafi, he ko ʼe ʼe mole ina puipui te hahaʼi agalelei mai te kovi?

• ʼE feala anai koa ke pulihi te agakovi pea mo te mamahi?

Ke feala hatatou tali ki te ʼu fehuʼi ʼaia, ʼe tonu muʼa ke tou tali ki te ʼu fehuʼi ʼaeni ʼe lua: He ko ʼe ʼe hoko ia te ʼu aluʼaga kovi kia tatou fuli? Kotea ʼae ka fakahoko anai e te ʼAtua?