ʼE lahi te ʼu meʼa taulekaleka ʼe feala ke ke fai mo fiafia ai he ʼe kei ke maʼuli. Logo la ʼe ke tau mo ni fihifihia, kae ʼe ke leleiʼia tuʼumaʼu pe ʼihi aluʼaga ʼo te maʼuli. ʼE maʼuhiga feafeaʼi kia koe te maʼuli? Pea he koʼe ʼe ke fai te faʼahi ʼaia?

1. He koʼe ʼe tonu ke maʼuhiga kia koe te maʼuli?

He ʼe ko te maʼuli ʼe ko te meʼa ʼofa mai ia Sehova, tatatou Tamai fonu ʼi te ʼofa. ʼE ko ia “te matapuna ʼo te maʼuli,” ʼei neʼe ina fakatupu ia meʼa maʼuli fuli. (Pesalemo 36:9) “ʼE ko ia ʼae ʼe ina foaki ki te hahaʼi fuli te maʼuli, mo te manava pea mo te ʼu meʼa fuli pe.” (Gaue 17:25, 28) ʼE foaki mai e Sehova te ʼu meʼa ʼae ʼe ʼaoga ke ke maʼuli ai. Kae ʼe mole gata ai, ʼe ina loto ke ke maʼuli fiafia.—Lau ia Gaue 14:17.

2. ʼE ke fakaha feafeaʼi kia Sehova ʼe maʼuhiga kia koe te maʼuli?

ʼI te temi ʼae neʼe fakatupu ai koe, neʼe tokaga ia Sehova kia koe. Neʼe ui e Tavite kia te ia ‘neʼe sio ʼou mata kia au kae neʼe kei au ʼi te fatu ʼo taku faʼe.’ (Pesalemo 139:16) ʼE maʼuhiga ʼaupito kia Sehova tou maʼuli. (Lau ia Mateo 10:29-31.) ʼE lotomamahi moka matehi e he tahi ia he tahi age tagata peʼe moka pule he tahi ki tona maʼuli. a (Ekesote 20:13) Pea ʼe toe lotomamahi moka ke fai he meʼa ʼe tuʼutamaki ai tou maʼuli peʼe mole ke tokaga ʼo puipui te maʼuli ʼo ʼihi. Ka ke tokaga ki tou maʼuli pea mo fakaʼapaʼapa ki te maʼuli ʼo ʼihi, ʼe ke fakaha ai tau leleiʼia te maʼuli, ia te meʼa ʼofa ʼo Sehova.

 TA FAKALOLOTO

3.Tokaga ki tou maʼuli malolo fakasino

Neʼe tou fakapapau kia Sehova ʼe tou fai tuʼumaʼu anai tona finegalo, koia ʼe tou tauhi anai kia te ia ʼi totatou maʼuli katoa. ʼE hage pe ʼe tou foaki totatou sino ko he sakilifisio kia te ia, koia ʼe tonu ke tou tokaga lelei ki ai. Lau ia Loma 12:1, 2, pea fai te ʼu fehuʼi ʼaeni:

• He koʼe ʼe tonu ke ke tokaga ki tou maʼuli malolo fakasino?

• Kotea ʼihi aluʼaga ʼe feala ke ke fai?

 5. Fakaʼapaʼapa ki te maʼuli ʼo he kiʼi toe kei fuafatuʼi

Neʼe fai e Tavite he ʼu palalau fakatuketuke. Pea neʼe ina fakaha ai te maʼuhiga kia Sehova ʼo te maʼuli pea mo aluʼaga fuli ʼe hoko ki he kiʼi toe ʼi te fatu ʼo tana faʼe. Lau ia Pesalemo 139:13-17, pea fai te fehuʼi ʼaeni:

• Neʼe manatu koa ia Sehova ʼe hoki kamata te maʼuli ʼo he tahi ʼi tona fakatupu peʼe moka fanauʼi mai e tana faʼe?

Neʼe foaki e Sehova he ʼu lao ki te kau Iselaele. Pea neʼe puipui ai te ʼu faʼe mo ʼanatou fanau ʼae ʼe kei fuafatuʼi. Lau ia Ekesote 21:22, 23, pea fai te ʼu fehuʼi ʼaeni:

• Neʼe kotea te manatu ʼa Sehova moka ʼe matehi hala e he tahi ia he fanau ʼe kei fuafatuʼi?

• Kotea anai ka logoʼi e Sehova moka ko he meʼa pe ia neʼe loto ki ai? b

• Kotea tau manatu ki te faʼahiga manatu ʼa te ʼAtua?

Vakaʼi te ʼATA VITEO.

ʼE ʼi ai ʼihi fafine ʼe maʼuhiga kia natou te maʼuli. Kae ʼi ʼihi aluʼaga, ʼe feala leva ke natou manatu ko te puleʼaki pe ʼe tahi ʼe ko te fakato fatu. Lau ia Esaia 41:10, pea fai te ʼu fehuʼi ʼaeni:

• Kapau ʼe fakaneke he fafine ke fakato fatu, ko ai ʼe tonu ke kole tokoni ki ai? Kotea tona tupuʼaga?

 MANATU TAFITO

ʼE ui mai ʼi te Tohi-Tapu ko te maʼuli ʼe ko he meʼa ʼofa mai ia Sehova. Pea ʼe tonu ke tou leleiʼia, mo fakaʼapaʼapa ki ai pea mo puipui totatou maʼuli mo ʼae ʼo ʼihi.

Fehuʼi Fakamanatu

• He koʼe ʼe maʼuhiga kia Sehova te maʼuli ʼo te tagata?

• Kotea ʼe logoʼi e Sehova moka matehi e he tahi ia he tahi age tagata?

• He koʼe ʼe ke lotofakafetaʼi ki te meʼa ʼofa ʼo Sehova ʼae ko te maʼuli?