Fai Fakamalotoloto Tau Lautohi Pea Mo Tau Faiakonaki

Neʼe fai te kaupepa ʼaeni moʼo tokoni kia koe ke ke hikihiki tau lautohi ia muʼa ʼo te kaugā malie, mo tau faipalalau pea mo tau faiakonaki.

Te Tohi Mai Te Kolesi Pule

ʼE tou akoʼi te logo maʼuhiga ki te hahaʼi. Neʼe heʼeki ʼi ai he logo maʼuhiga feia neʼe tala e te tagata.

AKO 1

He ʼu ʼUluaki Palalau ʼe Lelei ʼAupito

Ka tou fai he ʼu ʼuluaki palalau ʼe lelei ʼaupito, ʼe tonu ke tou fakahoko ia faʼahi ʼe tolu.

AKO 2

Palalau Ohage Ko Te Mahani

Ka ke palalau ohage ko te mahani, ʼe leleiʼia anai e natou ʼae ʼe fakalogo atu pea ʼe natou fia logo anai ki te meʼa ʼae ʼe ke talanoa ki ai.

AKO 3

Te Fakaʼaogaʼi ʼo Te ʼu Fehuʼi

Lagaʼi he ʼu fehuʼi fakapotopoto ke fakatupu ʼaki ai te fia logo ʼa natou ʼae ʼe fagono atu, pea mo fakaha te ʼu manatu tafito.

AKO 4

Fakaha Fakalelei Te ʼu Vaega

Vakaʼi pe ʼe feafeaʼi hau tokoni fakatomuʼa ki te hahaʼi ke natou mahino ki te vaega Tohi-Tapu ʼae ka ke lau.

AKO 5

Te Lautohi ʼAe ʼe Totonu

ʼE maʼuhiga te lautohi ʼae ʼe totonu ke fakaha ai te ʼatamai malama ʼo ʼuhiga mo Sehova.

AKO 6

Te Fakaʼaogaʼi Lelei ʼo Te ʼu Vaega

Tokoni kia natou ʼae ʼe fagono atu ke natou mahino ki te pikipikiga ʼo te vaega ʼae ʼe ke lau pea mo te manatu ʼae ʼe ke fia fakaha.

AKO 7

He ʼu Manatu ʼe Moʼoni

Fakaʼaogaʼi he ʼu aluʼaga ʼe moʼoni ke tokoni kia natou ʼae ʼe fagono atu ke natou mahino ki te ako ʼae ʼe tonu ke taʼofi.

AKO 8

He ʼu Faʼifaʼitaki ʼe ʼAoga

Ke ke hikihiki tau faʼahiga faiako ʼo ke fakaʼaogaʼi he ʼu faʼifaʼitaki ʼe faigafua ke tupu ai he fia logo ʼa te hahaʼi, pea ʼe maʼu ai he ʼu manatu maʼuhiga.

AKO 9

Fakaʼaogaʼi Lelei Ni Pāki Mo Ni ʼAta

Fakaʼaogaʼi he ʼu pāki pea mo he ʼu ʼata viteo ke faigafua te manatuʼi ʼo te ʼu manatu.

AKO 10

Te ʼAveʼave ʼo Tou Leʼo

Ke fetofetogi te agaaga ʼo tou leʼo ke malave ki te loto ʼo te hahaʼi, pea mo uga natou ke natou maʼuliʼi.

AKO 11

Ke Maʼuli Tau Faʼahiga Palalau

Ka ke fiafia, ʼe tokagaʼi anai e natou ʼae ʼe fagono atu ʼe ke tui papau ki te ʼu meʼa ʼae ʼe ke talanoa ki ai, pea ʼe natou fia logo anai ki ai.

AKO 12

Lotomafana Mo Lotomahino

Kapau ʼe logo ʼi tou leʼo tou ʼofa, ʼe ke fakaha ai tau fia tokoni ki te hahaʼi.

AKO 13

Fakaha Te ʼAoga ʼo Te ʼu Manatu

Tokoni kia natou ʼae ʼe fagono atu ke natou mahino pe koʼe ʼe ʼaoga kia natou te ʼu manatu ʼae ʼe ke talanoa ki ai. Fakaha pe ʼe feafeaʼi hanatou fakaʼaogaʼi te ʼu manatu ʼaia.

AKO 14

Fakamaʼuhigaʼi Te ʼu Manatu Tafito

Tokoni kia natou ʼae ʼe fagono atu ke natou mulimuli lelei ki tau akonaki, pea ke ke fakaha lelei te pikipikiga ʼo te ʼu manatu tafito mo tau fakatuʼutuʼu pea mo te kupu tafito ʼo tau akonaki.

AKO 15

Te Tui Papau

Fakaha ʼe ke tui malohi ki te ʼu manatu ʼae ʼe ke talanoa ki ai pea ʼe maʼuhiga.

AKO 16

He ʼu Palalau Fakalotomalohi Mo Lelei

Fai he ʼu palalau fakalotomalohi kae mole ke valoki. Fakaha te ʼu moʼoni fakalotomalohi ʼo te Folafola ʼa te ʼAtua.

AKO 17

He ʼu Manatu ʼe Mahino Gafua

Tokoni kia natou ʼae ʼe fagono atu ke natou mahino ki te fakaʼuhiga ʼo ʼau palalau. Ke ke fakaha lelei te ʼu manatu tafito.

AKO 18

He ʼu Manatu ʼe Maʼu Ai He ʼu Ako

Tokoni kia natou ʼae ʼe fagono atu ke natou fakakaukau ki te ʼu manatu ʼae ʼe ke fakaha, pea ke natou taʼofi he ʼu ako ʼe ʼaoga kia natou.

AKO 19

Faiga Ke Malave Ki Te Loto

Fakalotomalohiʼi ia natou ʼae ʼe fagono atu ke natou ʼoʼofa ki te ʼAtua pea mo tana Folafola, te Tohi-Tapu.

AKO 20

Te ʼu Palalau Fakaʼosi

ʼI ʼau palalau fakaʼosi, faiga ke tali e natou ʼae ʼe fagono atu te ʼu faʼahi ʼae neʼe natou ako pea ke natou maʼuliʼi.

Tohi Te ʼu Faʼahi ʼAe Ke Ke Hikihiki Ai

Tohi te ʼu faʼahi ʼae ke ke hikihiki ai tau lautohi pea mo tau faiakonaki pea mo gaueʼi.

Te Tahi ʼu Manatu

VIDEO SERIES