FAʼAHI 2
Ko Ai Koa Te ʼAtua Moʼoni?
ʼE ʼi ai te ʼAtua moʼoni pē e tahi, pea ko tona huafa ʼe ko Sehova. (Pesalemo 83:18) ʼE mole feala ke tou sio ki ai heʼe ko te laumālie ia. ʼE ʼofa kiā tātou pea ʼe loto ke tou ʼofa age kiā te ia. ʼE toe loto foki mo ia ke tou ʼoʼofa ki te hahaʼi. (Mateo 22:35-40) ʼE Māʼoluga ʼAupitō ia, ʼe ko te Tupuʼaga ʼo meʼa fuapē.
Neʼe fakatupu e Sehova ia meʼa fuapē ʼi te lagi . . . mo te kele. Fakahā 4:11
Ko tana ʼuluaki fakatupu neʼe ko he ʼāselo neʼe mālohi ʼaupitō pea ki muli age neʼe higoa ko Sesu Kilisito. Neʼe toe fakatupu e Sehova te kau ʼāselo.
Neʼe fakatupu e Sehova ʼAtua te ʼu fetuʼu, mo te kele, pea mo meʼa fuli ʼe maʼu ai.—Senesi 1:1.
Neʼe ina fakatupu ia Atama, te ʼuluaki tagata, mai te efu ʼo te kele.—Senesi 2:7.
Te Tahi ʼu Manatu
AKONAKI TAFITO ʼO TE TOHI-TAPU
ʼE ʼi Ai Koa He Higoa ʼo Te ʼAtua?
ʼE lahi te ʼu higoa fakatuʼulaga ʼo te ʼAtua, ohage ko te Mafimafi, te Tupuʼaga pea mo te Aliki. Kae ko te huafa ʼo te ʼAtua ʼe tuʼu tuʼa 7 afe tupu ʼi te Tohi-Tapu.
