Pesalemo 46:1-11
Ki te pule ʼo te kau faimaholo. Ko he hiva ʼa te ʼu foha ʼo Kole,+ ʼo mulimuli ki te Alamote.*
46 Ko te ʼAtua ko totatou nonoʼaga mo totatou malohi,+Ko he tokoni ʼe faigafua tona maʼu ʼi te ʼu temi mamahi.+
2 Koia ʼae ʼe mole tou matataku anai tatau aipe pe ʼe fetogi te agaaga ʼo te kele,Peʼe holo te ʼu moʼuga ʼo kaku ki te takele ʼo te tai,+
3 Peʼe gugulu te ʼu vai mo fiho,+Peʼe galulu te ʼu moʼuga ʼuhi ko te hou ʼo te tai. (Sela)
4 ʼE ʼi ai te vai tafe mo ʼona tafega vai ʼe fiafia ai te kolo ʼo te ʼAtua,+Te tapenakulo taulekaleka mo taputapu ʼo te Maʼoluga.
5 ʼE nofo te ʼAtua ʼi te kolo,+ ʼe mole feala ia ke holoʼi.
ʼE tokoni anai te ʼAtua ki te kolo ʼaia ʼi te mafoata.+
6 Neʼe maveuveu te hahaʼi pea neʼe holoʼi te ʼu puleʼaga.Neʼe leʼo lahi ake te ʼAtua pea mafaʼa ai te kele.+
7 ʼE nofo ia Sehova ʼo te ʼatu kautau mo tatou,+Ko te ʼAtua ʼo Sakopo ko totatou nonoʼaga moʼoni. (Sela)
8 Kotou ʼomai ʼo sisio ki te ʼu gaue ʼa Sehova,Ki te ʼu meʼa fakaofoofo ʼae neʼe ina fai ʼi te kele.
9 ʼE ina fakagata te ʼu tau ʼi te kele katoa.+
ʼE ina fasiʼi te nahau pea mo maumauʼi te tao.ʼE ina tutu te ʼu saliote tau.*
10 “Tuku takotou fakafeagai mai pea ke kotou iloʼi ko au te ʼAtua!
ʼE fakakololiaʼi anai au ʼi te ʼatu puleʼaga.+ʼE fakakololiaʼi anai au ʼi te kele.”+
11 ʼE nofo ia Sehova ʼo te ʼatu kautau mo tatou,+Ko te ʼAtua ʼo Sakopo ko totatou nonoʼaga moʼoni.+ (Sela)
