Selemia 5:1-31
5 Kotou olo ʼi te ʼu ala ʼo Selusalemi.
Kotou sioʼi fakalelei ʼokotou tafaʼaki.
Kotou vakaʼi te ʼu malaʼe lalahi ʼo te kolo,Mo sio pe ʼe ʼi ai he tagata ʼe faitotonu,+He tahi ʼe faiga ke nofo agatonu,Pea ʼe hoki au fakamolemole anai ki te kolo.
2 Tatau aipe pe ʼe natou ui: “ ʼE au fakapapau ia muʼa ʼo Sehova, te ʼAtua maʼuli!”
Kae ʼe natou fai ni fakapapau loi.+
3 Sehova e, ʼe mole ke kumi koa la te agatonu?+
Neʼe ke ta natou, kae neʼe mole hona fua.
Neʼe teitei pe ke ke pulihi ia natou fuli, kae neʼe mole natou tokagaʼi pe la te fakatonutonu.+
Kua natou fakafefeka ʼonatou fofoga ohage ko he maka,+Pea neʼe mole natou fia tafoki mai kia te koe.+
4 Kae neʼe au ui: “ ʼE mahino ia ko ni hahaʼi neʼe mole ako.
ʼE natou agavale, he ʼe mole natou iloʼi te finegalo ʼo Sehova,Te ʼu lekula* ʼo tonatou ʼAtua.
5 ʼE au alu anai ʼo palalau ki te ʼu tagata maʼuhiga,He neʼe lagi tokagaʼi e te ʼu tagata ʼaia te finegalo ʼo Sehova,Te ʼu lekula ʼo tonatou ʼAtua.+
Kae neʼe natou fasiʼi fuli te ʼakau ʼamo*Mo motuhi te ʼu haʼi.”
6 Koia ʼae ʼe ʼohofi ai natou e he laione ʼo te vao matuʼa,Pea ʼe fakahoko tuʼumaʼu e he lupo ʼo te ʼu potu toafa ni maumau ia natou,Pea ʼe lamalama natou e he leopa ʼo ovi ki ʼonatou kolo.
ʼE hae liki ia natou fuli ʼae ʼe hu mai ki tuʼa,
ʼUhi ko te lahi ʼo ʼanatou talagataʼa,Mo te tuʼa lahi ʼo tanatou heʼe agatonu.+
7 ʼE feafeaʼi anai haku fakamolemole te meʼa ʼae neʼe ke fai?
Kua liʼaki au e ʼau fanauPea ʼe natou fakapapau ʼaki he tahi ʼe mole ko te ʼAtua.+
Neʼe au foaki te ʼu meʼa ʼae neʼe ʼaoga kia natou,Kae ʼe hoko atu pe tanatou tonoMo tanatou olo ki te ʼapi ʼo te fafine paomutu.
8 ʼE natou hage ko ni hosi ʼe holi kovi.ʼE natou tahi tagi manumanū ki te ʼohoana ʼo he tahi tagata.+
9 ʼE ui e Sehova: “ ʼE mole tonu koa la ke au fakatuʼā ia natou ʼuhi ko te ʼu meʼa fuli ʼaia?
ʼE mole tonu koa la ke au lagavaka ki te taʼi puleʼaga ʼaia?”+
10 “Kotou fekakeʼi ki ʼana gaueʼaga vite ʼo kotou maumauʼi,Kae ʼaua naʼa kotou maumauʼi fuli.+
Kotou tuʼusi ʼona vaʼa kei mui,He ʼe mole ʼa Sehova.”
11 ʼE ui e Sehova: “Neʼe agakaka ʼosi kia te auTe hahaʼi ʼo Iselaele mo te hahaʼi ʼo Suta.”+
12 “Neʼe natou fakafisi kia Sehova mo natou ui tuʼumaʼu:‘ ʼE mole ina fai anai he meʼa.*+
ʼE mole to anai he malaʼia kia tatou.ʼE mole tou sisio anai ki he tau peʼe ki he hoge.’+
13 Ko te ʼu akonaki ʼa te ʼu polofeta ʼe vaʼiganoa,Pea ʼe mole nofo te folafola* ia natou.
Ke natou liliu ko ni meʼa noa!”
14 Koʼeni te folafola ʼa Sehova, te ʼAtua ʼo te ʼatu kautau:
“ ʼE au fakaliliu anai ʼaku folafola ko he afi ʼi tou gutu,+ʼUhi ko te meʼa ʼae ʼe ui e te ʼu tagata ʼaia.Ko te hahaʼi ʼaia ʼe ko te fafie,Pea ʼe tutu anai natou e te afi.”+
15 ʼE ui e Sehova: “Hahaʼi ʼo Iselaele, ʼe au fekauʼi mai anai he puleʼaga mai mamaʼo ke haʼu ʼo tauʼi koe.+
Ko he puleʼaga ʼe tuʼu talu mai fualoa.
Ko he puleʼaga ʼafeā,He puleʼaga ʼe mole ke iloʼi tana leaPea ʼe mole ke mahino ki ʼana palalau.+
16 ʼE hage tana ʼaiʼaga nahau ko he fale maka ʼe ava.Ko natou fuli ko ni tagata tau.
17 ʼE natou kai anai tau taʼukai mo tau pane.+
ʼE natou kai anai ʼau tama mo ʼau taʼahine.
ʼE natou kai anai ʼau pipi mo ʼau ovi.
ʼE natou kai anai ʼau gaueʼaga vite mo ʼau fuʼu fiku.
ʼE natou maumauʼi anai ʼaki te heleta ʼou kolo tau ʼae ʼe ke falala ki ai.”
18 “Maʼiape la ʼi te temi ʼaia,” ko te ui ʼaia ʼa Sehova, “ ʼe mole au pulihi fuli anai koutou.+
19 Pea kapau ʼe natou fehuʼi: ‘He koʼe neʼe fai e Sehova tomatou ʼAtua ia meʼa fuli ʼaia?’ ʼe tonu anai ke ke tali age kia natou: ‘Ohage pe ko takotou liʼaki au kae kotou tauhi ki he ʼatua matapule ʼi tokotou fenua, ʼe kotou tauhi anai ni matapule ʼi he fenua ʼe mole ko tokotou fenua.’ ”+
20 Kotou tala te logo ʼaeni ki te hakoga ʼo Sakopo,Pea kotou kalagaʼi ʼi Suta:
21 “Kotou fagono, hahaʼi agavale mo hala ʼatamai:+
ʼE ʼi ai ʼonatou mata kae ʼe mole natou sisio.+ʼE ʼi ai ʼonatou taliga kae ʼe mole natou logo.+
22 Koʼeni te folafola ʼa Sehova: ‘ ʼE mole kotou manavasiʼi koa la kia te au?ʼE mole tonu koa la ke kotou tekelili ʼi ʼoku muʼa?
Ko au ʼae neʼe au fakatuʼakoi te tai ʼaki te ʼone.Ko he lao ʼo talu ai ʼe mole feala ke holoʼi.
Logo la te hake ʼo ʼona peau, kae ʼe mole malolohi age ia.Logo la tanatou gugulu, kae ʼe mole feala ia ke fakalaka ai.+
23 Kae ko te hahaʼi ʼaeni ʼe uigataʼa mo agatuʼu.Neʼe natou fakamamaʼo ʼo muliʼi he tahi ala.+
24 Pea ʼe mole natou ui natou:
“Tou manavasiʼi la kia Sehova totatou ʼAtua,Ia Ia ʼae ʼe ina foaki mai te ʼua ʼi tona temi totonu,Te ʼua ʼo te temi fakato lau pea mo te temi mātala ʼo te ʼu fisiʼi ʼakau,Ia Ia ʼae ʼe ina taupau maʼa tatou te ʼu vahaʼa ʼo te taʼukai.”+
25 Neʼe mole kotou maʼu te ʼu tapuakina ʼaia ʼuhi ko ʼakotou hala.Neʼe mole kotou maʼu te meʼa ʼae ʼe lelei ʼuhi ko ʼakotou agahala.+
26 ʼE maʼu ni tagata agakovi ʼi taku hahaʼi.
ʼE natou lamalama ohage ko ni tagata puke manulele ʼe sisike.
ʼE natou fakatuʼu he hele ʼe fakatupu mate
Moʼo puke ni tagata.
27 Ohage ko he kesi kua fonu ʼi te ʼu manulele,Kua fonu pe ʼonatou ʼapi ko te kaka.+
Koia ʼae neʼe natou liliu ai ʼo malolohi mo maʼu koloa.
28 Kua natou sisino mo kili momole.ʼE natou agakovi pe.
ʼI te faifakamau ʼe mole natou puipui te fanau hala mo tamai,+Pea ʼe mole natou fakahoko te faitotonu ki te kau masisiva+Moʼo taupau ʼonatou koloa.’ ”
29 ʼE ui e Sehova: “ ʼE mole tonu koa la ke au fakatuʼā ia natou ʼuhi ko te ʼu meʼa fuli ʼaia?
ʼE mole tonu koa la ke au lagavaka ki te taʼi puleʼaga ʼaia?
30 Neʼe hoko he meʼa fakamataku mo fakalialia ʼi te fenua:
31 ʼE fakakikite e te kau polofeta ni loi,+ʼE fakaʼaogaʼi kovi e te kau pelepitelo tonatou tuʼulaga moʼo puleʼi te hahaʼi,
Pea ʼe leleiʼia e taku hahaʼi ke feia.+
Kae kotea ʼae ka kotou fai moka hoko mai te fakaʼosi?”
Nota
^ Peʼe “lao.”
^ ʼE fakaʼuhiga ʼi heni te ʼakau ʼamo ki te fakalogo ki te ʼAtua.
^ Peʼe lagi “ ʼE mole maʼuli ia.”
^ ʼE fakaʼuhiga ki te folafola ʼa te ʼAtua.
