Sopo 26:1-14
26 Neʼe tali e Sopo:
2 “Neʼe ke tokoni kia ia ʼae ʼe mole malohi!
Neʼe ke haofaki te nima ʼae ʼe vaivai!+
3 Neʼe ke foaki ki te tagata ʼae ʼe mole poto ni tokoni taulekaleka!+
Neʼe ke agaʼofa ʼo* vaevae tou poto!
4 Ko ai ʼae ʼe ke faiga ke ke palalau ki ai?Ko ai ʼae neʼe ke maʼu mai ai te ʼu manatu ʼaia?
5 ʼE tekelili ia natou ʼae kua mamate,ʼE natou malalo age ʼi te tai mo natou ʼae ʼe maʼuʼuli ai.
6 ʼE mole he meʼa ʼe fufu kia mata ʼo te ʼAtua* ʼi te Faitoka,*+ʼE lauʼatea te koga meʼa ʼo te fakaʼauha.*
7 ʼE ina folahi te potu noleto ʼo te lagi* ʼi te noa,+ʼE ina tautau te kele ʼi te noa.
8 ʼE ina kofukofu te vai ʼi te ʼu ʼao,+Ke mole mapa te ʼu ʼao ʼi te mamafa ʼo te vai.
9 ʼE ʼūgia tona hekaʼaga fakahauHe ʼe ina folahi ki ai tona ʼao.+
10 ʼE ina tohi he laini ʼi te vaha ʼo te lagi mo te tai,+Mo fai he tuʼakoi ʼi te malama mo te fakapoʼuli.
11 ʼE galulu te ʼu pou ʼo te lagi,Mo punamaʼuli ʼi te faifakatonutonu ʼa te ʼAtua.
12 ʼE hou te tai ʼuhi ko tona malohi,+Pea ʼe ina laliki te manu lahi ʼo te tai* ʼuhi ko tona ʼatamai.+
13 ʼE laulelei te lagi ʼuhi ko tana tuku manava,*ʼE ina hukiʼi ʼaki tona nima te gata ʼae ʼe puke gataʼa.*
14 Koia ʼe ko te kiʼi koga pe ia ʼo ʼana gaue,+Ko he kiʼi fanafana pe ia ʼo ʼuhiga mo ia!
Ko ai ʼae ʼe lava mahino ki te ʼuʼulu malohi ʼo te mana?”+
Nota
^ Peʼe “Neʼe lahi tau.”
^ Hep. “kia te ia.”
^ Vakaʼi Te ʼu Kupu.
^ Peʼe “ ʼE lauʼatea te Apatone.”
^ Hep. “te potu noleto.”
^ Hep. “ia Laape.”
^ Peʼe “matagi.”
^ Peʼe “totolo.”
