‘Bödödi hã tsyry uptabire di duré, ãma ꞌre ĩdanomro mono dzéb da hã. Te daꞌumro na tsi da te datsina ꞌre uwaimrami dzaꞌra.’ — Mateus 7:14

E uburé danhimidzadze ĩꞌuptabi Höimanaꞌuꞌö ma.

• Mateus 7:21-23

  Höimanaꞌuꞌö tãma wẽ õ di uburé danhimidzadze norĩ hã, niꞌwam norĩ hã marĩ ĩwatsété te te ꞌmanharĩ dzaꞌra wa.

• Mateus 7:13, 14 (Tradução do Novo Mundo)

  Danhimidzadze ĩꞌuptabi te dza dadzaprõ dahöimana uꞌötsi dzéb u hã. Danhimidzadze ĩꞌuptabiꞌõ norĩ te dza dadzaprõ daꞌuprotsidzéb u hã.

• Mateus 7:16, 17

  Te dza ĩwaihu danhimidzadze ĩꞌuptabi ĩtsimiꞌmanharĩdzéb uꞌöbö hã. Tô tsena dzô pibui õ di dza uburé danhimidzadze norĩ. Ĩwapari da tsi Bíblia nhimirowahutu norĩ.

• 1 Tessalonicenses 2:13; 2 Timóteo 3:16, 17

  Umnhatsi Bíblia na duré dama rowahutu te te ĩnharĩ na tsi.

• Mateus 4:10; João 17:6

  Jeová ãma ꞌre aiwata mo duré aimreme ĩtsitsi na.

• João 13:35 (Rowatsuꞌu Tém Nhihödö)

  Höiꞌré na dadzawi ĩꞌuptabi daꞌãma.

• João 3:36; Atos 4:12

  Wapari petse Jesus. Höimanaꞌuꞌö te wanhoꞌreptu dzaꞌra Jesus hawi.

• João 18:36; Atos 5:29

  Upari tõ política na.

• Mateus 24:14 duré 6:10

  Dama rowahutu Höimanaꞌuꞌö Nhimirobꞌrudzém na, õhõ tsi dza te te ĩꞌuprotsi na hã roꞌwaꞌrutu norĩ.

E marĩ ĩꞌmanharĩ da tsi Höimanaꞌuꞌö ma rowẽ da ãma aiwata dzém na hã.

• Tiago 2:19

  Höimanaꞌuꞌö ãma atsimidzadze, e taha tsi. Mare di, ĩꞌmanharĩ da tsi Bíblia te te ĩnharĩ hã.

• 2 Coríntios 6:17; Apocalipse 17:5

  ‘Babilônia na ꞌri nhoꞌõmo dzaꞌẽtẽ na’, niwamhã danhimidzadze ĩꞌuptabiꞌõ norĩ, te dama rowahutu ãma dawata dzaꞌra da ĩꞌupa na hã. Ãma ĩtsimiré, Trindade na hã, dahöiba warõ ĩdöꞌöꞌõ na hã duré unhama roꞌo na hã.

• Apocalipse 18:4, 8

  Romhutuꞌõmhã Jeová te dza uprotsi danhimidzadze ĩꞌuptabiꞌõ norĩ hã. Ta norĩ hã, ĩrẽme da tsi.

• Marcos 10:28-30

  Ãté niꞌwam norĩ hã te dza airẽme dzaꞌra, tadzahã Jeová niwa te te airẽme õ di dza.