Jeová te tinha: ‘Dapoꞌre ãna ꞌre ĩdanomro mono norĩ hã, te dza oto, atsiwi ꞌre ĩrẽme dzaꞌra waꞌaba mo, ta norĩ höimana watsété dzém nhiti, ꞌre aihöimana dzaꞌra waꞌaba mono da oto. Dapoꞌreꞌõ norĩ uburé marĩ hã te te tsiwi ꞌre ĩꞌmanharĩ watsété dzaꞌra mono dzé hã, tiwi ꞌre upi dzahu dzaꞌra waꞌaba mono õ di dza oto’. — 2 Coríntios 6:17

E marĩ wa dahöiba ꞌmanharĩ ãma ĩwawata dzaꞌra tõ da tsi duré ĩrowaptẽrẽ dzaꞌra tõ da tsi adöꞌö norĩ wi.

• Exôdo 20:4, 5; 1 João 5:21

  Jeová te te tsima wẽ õ di dahöiba ꞌmanharĩ ãma wawata dzaꞌra da hã.

• Deuteronômio 18:10-12

  Dawatsuꞌuꞌwa ĩwatsété norĩ hã te te dama robdzanhamri waihuꞌu petse dzaꞌra di adöꞌö norĩ ne hã.

‘Ãne te dza ꞌröwi atsima ꞌre ĩnharĩ dzaꞌra waꞌaba mo, atsimirotsaꞌrata na: “E niha wa dza ꞌre mo, Wanhibꞌapito te te ĩ̱wẽtsãmridzéb da hã.”’ — Efésios 5:10

E marĩ na ãma ĩrotsaꞌrata da tsi aimorĩ wana ré datoi u.

• Tiago 1:27; 2 Coríntios 6:14, 15

  Waihuꞌu datoi ꞌremhã danhimidzadze ĩꞌuptabi õ norĩ ĩré dzô.

• Exôdo 32:2-10

  Ãté niꞌwam norĩ ma dato wẽ di, tadzahã Höimanaꞌuꞌö ma wẽ õ di.

• Daniel 3:1-27

  Aimorĩ tõ datoi u hã daro ãma dawatadzéb da hã niwamhã dahöiba norĩ dawatadzéb da hã.

• 1 Timóteo 1:18, 19

  Ãma rotsaꞌrata petse ꞌmanharĩ wana ré, taha parimhã ꞌre aihöimana Jeová nhimiroti dzarina tsi atsitsãmridzé wẽ da Jeová ma.

‘ꞌRe rowatsuꞌu dzaꞌra waꞌaba mono wamhã, aimreme wẽ na tsi te dza tãma ꞌre ĩrowatsuꞌu dzaꞌra waꞌaba mo, tãma ãma ꞌre rowẽ dzani dzaꞌra waꞌaba mono da, aimreme wẽ na te te ãma ꞌre aiwapari dze dzaꞌra waꞌaba mono da.’ — Colossenses 4:6

E niha wa dza dama rowahutu dzaꞌra ni wanhimidzadzedzém na hã.

• Mateus 7:12

  Wadzé na da te ĩpitsutu dzaꞌra hã, ãne na hã atsima ĩwẽ na hã te dza aiwadzéb dzaꞌra.

• 2 Timóteo 2:24

  ꞌRe aihöimana wẽ na duré daꞌwapé tõ ĩtsimidzadzedzé aimawi wa.

• 1 Pedro 3:15

  Rowatsuꞌu na atsimidzadzedzé hã romharé na duré dawadzém na.

• Hebreus 10:24, 25

  Aimorĩ watsiꞌrãꞌõtõdzéb u hã. Tawamhã watsitsãnawã norĩ te dza aipawapto, duré te dza ĩwaihu dama ĩrowahutudzéb da atsimidzadze na.