‘Uburé ĩtsimiroti wẽ na robꞌuiꞌéré hã, ꞌRe ĩhöimana uꞌötsi mono te te dama ꞌre ĩꞌawaihuꞌu mono dzéb dzarina tsi.’ — 2 Timóteo 3:16

E marĩ wa Bíblia hã ĩhöiwarobo amo norĩ nei õ di.

Ma ãma tsaprĩ ni Bíblia na 2.800 nhipai u damreme na. Bíblia ahö uptabi di ma tô ꞌmanharĩ dzaꞌra ni.

Bíblia hã marĩ ĩbö na hã te te dama rowahutu dzaꞌra da ꞌmaihöimana õ di daro mono bö hã.

• 1 Tessalonicenses 2:13

  Bíblia hã, tô tsena Höimanaꞌuꞌö mreme na.

• 2 Pedro 1:21

  Höimanaꞌuꞌö ma tiꞌru aibö norĩ ma te te tsihötö dzaꞌra da.

‘ꞌRe ĩhöimana uꞌötsi mono hã tsadawa nhipetse õ di.’ — Tito 1:2

E marĩ wa Bíblia te dza ꞌre ĩꞌumnhatsi mo.

• Isaías 44:27–45:2

  Duréihã, Bíblia ma tô watsuꞌu ĩꞌuwaibaba na Babilônia ãma 200 wahu wana ré te te aré uprotsi da.

• 2 Timóteo 3:​1-5

  Ã bötö mono na hã, ãma uwaimra Bíblia te te nharĩdzéb dzarina.

• 1 Samuel 15:29

  Duré Bíblia nhimiropitsutudzém na, romhutu na te dza ãma uwaimra.

‘Bödödi ĩwẽ na wa dza ãma aima te ꞌre rowatsuꞌu dza, nimomo ꞌre ĩꞌane mono dzéb da na hã.’ — Salmo 32:8

E marĩ ma tô ĩwaihu Bíblia na.

• Jó 26:7; Isaías 40:22

  Bíblia te te nharĩ wamhã Ciência na, ĩtsimirowahutu uburé ĩbö.

• Números 20:2-12

  Bíblia nhihötöꞌwa norĩ hã, te watsuꞌu dzaꞌra tô tsena na.

• Mateus 5-7

  Jesus nhimiroti te wama watsuꞌu dzaꞌra e niha robdzedzé, e niha dahöimana wẽ ĩhöiba amo norĩ tsiré, e niha rowaptẽrẽ duré e niha te dza ãma ĩrotsaꞌra robꞌuipradzém na.

‘ꞌRe ĩhöimana uꞌötsi mono dzadawa watsuꞌu hã ĩhöiba ré ne, te tô wama ꞌre höimana uꞌötsi dzaꞌra. Tsiptete uptabi di duré ĩmreme hã, uburé marĩ hã ĩꞌuwaibaba tsi te te dama ãma ꞌre ĩꞌabꞌmanharĩ mono dzéb da hã.’ — Hebreus 4:12

E niha Höimanaꞌuꞌö Mreme te dza aipawapto.

• Te dza aipawapto waihuꞌu da e marĩ Höimanaꞌuꞌö te tsima wẽ aꞌuwẽ norĩ ma hã.

• Te dza aipawapto waihuꞌu da e ꞌwa a hã ꞌröwi aipẽꞌẽ na.

• Te dza aipawapto waihuꞌu da e marĩ ĩꞌmanharĩ da tsi Höimanaꞌuꞌö tãma robdze da.

Tsõré na, romnhoré na duré atsima tsawi na Bíblia hã, ta hã te tsima wẽ Höimanaꞌuꞌö.