“Adöꞌö norĩ hã marĩ te te waihuꞌu dzaꞌra õ di.” — Eclesiastes 9:5 (Tradução do Novo Mundo)

Dadöꞌö wamhã, e marĩ te dza tihöiba.

• Salmo 146:3, 4; Eclesiastes 9:6, 10

  Adöꞌö norĩ hã te te ꞌmadöꞌö dzaꞌra õ di, duré te te wapari dzaꞌra õ di duré te te rotsaꞌrata dzaꞌra õ di.

• João 11:11-14

  Jesus ma tô ãma tsimiré dadöꞌö na danhotõ ne hã.

‘Ĩwẽ hã ĩwatsété me, dza da te ãma ꞌre ĩwaihuꞌu dzaꞌra mono wede ꞌrã tsi hã ꞌre ꞌmaiꞌrẽne mono õ di dza. E marĩ wa. Nimahã bötö na ꞌmaiꞌrẽne wamhã, õne haré dza atöꞌö na döꞌötsina.’ — Gênesis 2:17

E marĩ wa wa natsi wadöꞌö dzaꞌra ni.

• Gênesis 3:1-6

  Satanás Eva ma, ma tsadawa hapetse. Adão duré Eva Jeová te te wapari dzahuré õ di, ma tiwatsété dzahuré. Taha wa, ma tidöꞌö dzahuré.

• Gênesis 3:19

  Adão döꞌö wamhã, apö ma tsitiꞌa. Õ hã höimana õ di.

• Romanos 5:12

  Dawatsédé hã dahödzé ne, damama tiꞌra norĩ ma te dza titsõ. Ma tô tinhanaꞌrata Adão hawimhã. Wapoto dzaꞌra wamhã, wawatsédé hã te dza ꞌre höimana dzaꞌra. Taha wa, wa natsi wadöꞌö dzaꞌra ni, wawatsété dzaꞌra wa.

• 1 Coríntios 15:26

  Bíblia hã te tinha dadö wanhitobꞌru ne hã.

‘Dadöꞌö nherẽ, aihĩni apö te te ꞌre ĩdaꞌahöiwaꞌutu mono dzém na wa tô ãma tsatsõ.’ — Atos 24:15

Tsena hã adöꞌö norĩ ãma wa te waihuꞌu dzaꞌra wamhã, e ma hã rowahudu ĩꞌuptabiꞌõ wa te tsadze dzaꞌra õ di dza.

• 1 João 4:8

  Niꞌwam norĩ te nharĩ dzaꞌra Höimanaꞌuꞌö te te dama ꞌre ĩrobꞌmanharĩ watsété dzaꞌra mono na hã unhama roꞌo u ãma dadöꞌö dzaꞌra wamhã. Unhama roꞌo na rowahudu hã te te wadzéb õ di Jeová. Jeová niwa te te ꞌmanharĩ õ di aré da te robdzépata dzaꞌra da ãne na.

• Apocalipse 4:11

  Niꞌwam norĩ te nharĩ dzaꞌra adöꞌö norĩ ma ĩwapahi dzaꞌra na hã, niwamhã wa te ĩrowaptẽrẽ dzaꞌra da tsi ĩtsimipawaptob dzéb dzô. Tadzahã, wa te ĩrowaptẽrẽ dzaꞌra da tsi Jeová wi tsi ĩtsimipawaptob dzéb dzô duré wa dza ꞌre wawata dzaꞌra mono Jeová ãma tsi. Õhõ tsi Ropotoꞌwa duré Höimanaꞌuꞌö ĩꞌuptabi hã ꞌre ĩhöimana mono na hã.