‘Wei morĩ watẽme atsimirobꞌrudzé hã, aima ĩwẽ dzarina ꞌmanharĩ Tiꞌai ãma, höiwa ãma tsine.’ — Mateus 6:9-13 (Rowatsuꞌu Tém Nhihödö)

E marĩ hã Höimanaꞌuꞌö Nhimirobꞌrudzé hã.

• Apocalipse 11:15

  Höimanaꞌuꞌö Nhimirobꞌrudzé hã rotidzé höiwa ãma duré te dza te te ꞌre roti Tiꞌai ãma.

• 1 Timóteo 6:15

  Jesus Rotiꞌwa hã Höimanaꞌuꞌö Nhimirobꞌrudzém na.

• Apocalipse 14:1, 4

  Höimanaꞌuꞌö ma daꞌapitsutu daꞌumro na 144 mil na da te ꞌre roti dzaꞌra mono da Jesus tsiré.

• Hebreus 4:​15 duré 5:8

  Jesus duré daꞌubumro 144 mil na, tãma waihuꞌu petse dzaꞌra di wahöimana nhibꞌuware na duré wa te ꞌre ĩtsépata dzaꞌra mono dzé.

Jesus, ‘tsena na dama ĩꞌrãnhoꞌõmo na atsibꞌaꞌuwẽ norĩ te te ãma ꞌre abꞌmadöꞌö wẽ mono da, duré da te ꞌre ĩwati dzaꞌra mono norĩ, tsena na ĩꞌuwaibaba na te te tãma ãma ꞌre arowairébé mono da.’ — Salmo 72:2

Niꞌwa höimana õ di Jesus nhipai u ĩwẽ uptabi hã Rotiꞌwa da hã. E marĩ wa.

• 1 Timóteo 6:16

  Rotiꞌwa norĩ, te dza tidöꞌö dzaꞌra. Tadzahã, Jesus niwa döꞌö õ di dza. Uburé te dza te te dama ꞌre abꞌmanharĩ wẽ uꞌötsi mono.

• Isaías 11:2-4

  Jesus te te abꞌmanharĩ uburé dama rotiꞌwa hã te te waihuꞌu dzaꞌra õ di. Õ hã waihuꞌu petse di danhipai u rotiꞌwa norĩ Tiꞌai ãma wahuré. Jesus ĩꞌuwaibaba duré te dza te te ꞌre aꞌmadöꞌö mono wa.

Höimanaꞌuꞌö Nhimirobꞌrudzé hã ‘te dza õhõ tsi oto ꞌre höimana uꞌötsi’. — Daniel 2:44

E marĩ Höimanaꞌuꞌö Nhimirobꞌrudzé ma tô ꞌmanha. Duré e marĩ te dza ꞌmanha aptoꞌoré hã.

• Apocalipse 12:7-12

  Jesus ma tsirotiꞌwa hã wahum na 1914 na. Õ hã ma tô robꞌru Satanás ma Tiꞌai u. Taha wa, roꞌwaꞌrudu hã duré robdzépatadzé hã Tiꞌai ãma ma tô tidzaꞌẽtẽ petse.

• Eclesiastes 8:9; Apocalipse 16:16

  Aibö rotiꞌwa norĩ hã danhitsébꞌõ duré te te daꞌãma rotsaꞌrata dzaꞌra õ di. Datsiꞌwapé na Armagedom na ĩtsitsi, Höimanaꞌuꞌö Nhimirobꞌrudzé te dza uprotsi rotiꞌwa norĩ hã.

• Provérbios 2:22

  Dawatsété na ꞌre ĩdahöimana dzaꞌra mono tihöimanadzém na te te tsaprĩ dzaꞌra õ wamhã, te dza uprotsi dzaꞌra ni.

• Apocalipse 22:1-3

  Niꞌwa hödzé õ di dza duré döꞌö õ di dza Höimanaꞌuꞌö Nhimirobꞌrudzé te te ꞌre roti mono wamhã Tiꞌai ãma. Aihĩni Höimanaꞌuꞌö ma te dza da te ꞌre wadzéb dzaꞌra mono te dza duré ãma ꞌre dawata dzaꞌra.