ROMNHIHÖDÖ 8
E marĩ wa Jesus ma dörö
Jesus ma dörö ꞌre wahöimana dzaꞌra mono da. Romanos 5:21
Bödö tsiꞌubdatõ Jesus döꞌö parimhã, niꞌwam norĩ piꞌõ te aiꞌabaꞌré abꞌre u, tane nherẽ baba di. Jeová ma tô höiwaꞌutu Jesus.
Nimahã bötö pari, Jesus ma tô tsiꞌhöiꞌré tinhibꞌpitsutu norĩ ma ĩmahörödzéb dzaꞌra apóstolo norĩ.
Jeová ma Jesus höiwaꞌutu dawatsuꞌuꞌwa ĩtsipitete na duré ĩdöꞌöꞌõ na. Jesus tsiré ꞌre ĩnomro mono norĩ hã, ma ꞌmadöꞌö dzaꞌra morĩ ré höiwa u.
Jeová ma höiwaꞌutu Jesus, duré ma pitsutu Apito da Höimanaꞌuꞌö Nhimiꞌmadöꞌö ꞌremhã. Apocalipse 11:15
Jesus ma tihöiba hã titsõ te te daꞌadzani da dadöꞌö wi. (Mateus 20:28) Taha uꞌöbö, Höimanaꞌuꞌö te dza ꞌmanha ꞌre wahöimana uꞌötsi dzaꞌra mono da.
Jeová ma pitsutu Jesus Apito da, te te ꞌre daꞌabꞌmadöꞌö mono da Tiꞌai ãma höiwa hawi. Jesus tsiwaprotsi te te ꞌre daꞌabꞌmadöꞌö mono õ di dza. Ĩtsimirẽmeꞌõ norĩ 144 mil na te dza tihöiwaꞌutu dzaꞌra höiwa ãma ꞌre höimana dzaꞌra mono da. Ta norĩ hã Jesus tsiré te dza robꞌmadöꞌö dzaꞌra. Ã hã Höimanaꞌuꞌö Nhimiꞌmadö. — Apocalipse 14:1-3.
Höimanaꞌuꞌö Nhimiꞌmadö te dza ãma tsaprĩ Tiꞌa hã Daro Ĩwẽ u. Datsiꞌwapé hã, danhimarĩꞌõ hã, mra hã, romhöimana watsédé, höimana dzaꞌra õ di dza. Dama ꞌre rowẽ dzaꞌra mono di dza. — 2 Pedro 3:13.
Ãté aima wẽ di dza taha na duré
ROPOTOꞌWAI MREME NHIMIROWAHUDU ĨPIRE
E marĩ wa Jesus ma tô dörö
Mitsi aibö döꞌödzé danhipai u ĩpire, Jesus Cristo döꞌödzé hã. E marĩ wa Jesus ma tô dörö. E marĩ da.
DATSIPOꞌRE PUꞌUDZÉ
Jesus dö’ödzém na aipo’re pu’u
Robdze na, wa atsô wahörö dza’ra ni wame aihöimana da a hã datsi’rã’õno ĩpire uptabi ãma. Te dza ĩwaihu e niha Jesus höimanadzé duré ĩdö’ödzé te dza aipawaptob dzahuré.
ĨHÖIWAROBO MONO DURÉ ĨTSÕRÉDZÉ MONO
E Adöꞌö Norĩ hã Apö te dza ꞌRe Höimana dzaꞌra.
E niꞌwa aima ĩtsawipe ma tô dörö. Tamwamhã ropisudu hã Bíblia ãma te dza aima rowẽ ãma atsiriꞌremhã.
