ATSIMIDZAꞌRETSE! Ĩtsõrédzé 2, 2018 na | 12 Roti norĩ família ꞌre robdze da
12 Roti norĩ família ꞌre robdze da
Wa natsi dawapari dzaꞌra ni ropire norĩ te te ĩrowamnarĩ dzaꞌra dahöimanadzé danhorõwa ꞌremhã.
Brasil ãma hã datsirẽmedzéb dzaꞌratadzé ma tsina höimo 93.300 hawi, wahu 1984 na 386.813 u wahu 2021 na.
Niꞌwa rowaihuꞌu petse ꞌwa norĩ te roti dzaꞌra daꞌra norĩ da te natsi udzei petse dzaꞌra da. Ĩhöiba amo norĩ te roti tete dzaꞌra da te prédub dzaꞌra da. Damama duré dana norĩ ma waihuꞌu õ di e mahã roti ĩbö.
Ĩhöibatém norĩ prédub dzaꞌra nherẽ tsimidzaꞌretse dzaꞌra õ di dahöimanadzéb da hã.
Ãhã roꞌwaꞌrutu norĩ nherẽ tô tsena tsada hã . . .
Datsina damrodzé rowẽ na õne uꞌötsi da.
Damama duré dana norĩ tsimidzawi na daꞌra norĩ ma te te pẽtẽ dzaꞌra da.
Ĩhöibatém norĩ ꞌre tsimidzaꞌretse dzaꞌra mono da höiba prédub dzaꞌra wab da.
E niha bété. Ãhã ĩtsõrédzé te dza roti 12 na família ꞌre robdze da.
1: Damro ꞌre datsina ropitsudu
Marĩ tsiꞌubdatõ te dza pawaptob dzaꞌra ĩmro ré norĩ tsiré ꞌre nomro uꞌötsi mono da.
2: Datsiré romhuri
A hã aimro me e taré atsiré na te ꞌre aihöimana waꞌwa.
3: Dawadzé
Waihuꞌu damreme duré danhimiꞌmanharĩdzé höiꞌré da aimro ĩwadzém na hã.
4: Daꞌruiwapariꞌõ
E marĩ te dza aipawapto ãma ꞌmadöꞌö tõ da aimro höimana upadzé hã.
5: Robdzanhamri
Tsiꞌubdatõ marĩ aiꞌra tẽme atsina rotété da.
6 Daꞌra ma ĩpẽtẽdzé
Daꞌra ma ĩpẽtẽdzé e te dza tiwi tsibꞌuwa ĩtsitsawidzé hã.
7: Dahöimana prédubdzé ĩwẽ
E mahã dahöimana prédubdzé ĩwẽ te dza ĩrowaihu aiꞌra norĩ ma.
8: Datsitsanhodzé
Aimreme na pẽꞌẽ rétsi da aiꞌra norĩ, ꞌre ĩꞌaihöimana mono da tsi aimreme dzarina.
9: Dawaihuꞌudzé
E niha ĩhöibatém norĩ te te ꞌwapéi waihuꞌu petse dzaꞌra di tinhimidzadze dzawi te.
10: Dama aiꞌumnhatsi na hã aihöimana
Tsaꞌẽtẽ da aimama duré ana te te ĩꞌaiꞌumnhatsi dzahuré dzé ĩpire uptabi aihöimana prédub da hã.
11: Danhimiꞌẽ na romhuri
Waihuꞌu wamhã atsimiꞌẽ na romhuri da aihöibatéb ré, tahã te dza aipawapto atsima rowẽ da uburé dza ĩꞌmanharĩ da na hã aihöimanadzém na.
12: Ãma ĩꞌuwaimramidzéb da pitsutu
Ãma ĩꞌuwaimramidzé pitsutu na ãma uwaimrami wamhã, te dza atsipte atsiwaihuꞌudzé daꞌãma hã. Tahã te dza duré aipawapto danhipai u atsiꞌumnhatsi da duré atsima robdze da.
Duré ĩpawaptobdzé família ma
Ropotoꞌwai mreme nhimiroti te te aipawapto waihuꞌu petse di robdze na aihöimana da atsina aimrodzéb ꞌremhã duré ate família ꞌremhã.
