ĨMRO RÉ NORĨ MA
4: Daꞌruiwapariꞌõ
E MARĨ TE WATSUꞌU.
Daꞌruiwapari wamhã daꞌãma ꞌmadöꞌö õ di dza marĩ ĩwatsédé niꞌwa te te aiꞌãma ĩnharĩ hã niwamhã te te aima ĩꞌmanharĩ hã, duré atsitiꞌrui uꞌötsi aihöimana õ di dza. Daꞌruiwapariꞌõ nherẽ, aima ꞌrudzahi õ di aihöimana da marĩ atsô watobro õ newa niwamhã da te aima ĩꞌmanharĩdzé watsété uptabi õ newa.
ROPOTOꞌWAI MREME NHIMIROTI: ‘Atsiꞌãma ꞌre aiwaꞌa dzaꞌra waꞌaba mono tõ. Duré marĩ na atsina ꞌre upa dzaꞌra waꞌaba mono wamhã, atsiꞌãma ꞌre ꞌmadöꞌö dzaꞌra waꞌaba mono tõ.’ — Colossenses 3:13.
“Niꞌwa aima tsawi wamhã ꞌrãdzaꞌõtõ õ di dza ĩhöimana upadzém na. Taha upana te dza natsi ĩꞌmadö ĩtsiwatsutu na hã tsihiri wẽ da.” — Aaron.
E MARĨ WA WẼ DI.
Atsitiꞌrui uꞌötsi aihöimana wamhã te dza atsihöiba wamna duré te dza aiꞌrã hã ĩwamna. Tahã te dza duré roꞌwaꞌrutu atsina aimrodzé wi.
“Nimahã na ĩ̱mro ma tô ĩ̱ma tsiꞌruiwapa tiha te te ĩ̱waiꞌre uptabi na hã. Pire uptabi di te ꞌruiwapari tõ da. Tane nherẽ, ĩwatsédé te ãma ꞌmadöꞌö õ di oto. Tadzahã, wa ĩ̱tsiꞌruiwapa tahã te ꞌmanharĩ tsuꞌu õ wa. Taré wa watsiꞌãma robdzeiꞌõ ni.” — Julia.
E MARĨ TE DZA ĨꞌMANHA.
ÃMA ROTSAꞌRATA
Aimro apö te te aiwaiꞌre wamhã, ꞌröwi atsitsadanharĩ:
-
‘E wa hã, wa taré ĩ̱nhitiꞌru tsuꞌu.’
-
‘Da te ĩ̱ma ĩꞌmanharĩdzé hã e tô tsena watsété uptabi di. E tô tsena ĩ̱ma ĩdatsiꞌruiwapari da tsi. E tsada hã taré ãma ĩ̱poꞌre tsiꞌöri da.’
ATSIMA ROBDZANHAMRI ABA
-
E õne uꞌö te ãma tironomro watsiꞌruiwapariꞌõdzéb u.
-
E marĩ, wa dza ꞌmanharĩ ni waptu na watsiꞌruiwapari tõ da.
AIPAWAPTOBDZÉB DA
-
Aimro te te atsitiꞌrui wadzere wamhã, rotsaꞌrata tsuꞌu tõ tsima ĩwẽ na te te aiwaꞌre da te te ĩꞌmanharĩ na hã.
-
Atsiwatsutu ꞌruiwapari tõ da. Ãma aipoꞌre puꞌu, ‘uburé wa norĩ hã wahöimanadzém na wa te ãma ꞌre ĩꞌupa dzaꞌra mono na hã’. — Tiago 3:2.
“Wapu di watsiꞌruiwapari tõ da wadzahuré wa te ãma upai wamhã. Tadzahã pire uptabi di wa te ꞌruiwapari tõ da wa te rotsaꞌrata wamhã wamro tsi te te ãma ĩꞌupa na hã. Ãne wamhã, wama tsiꞌruiwapari wamhã wa te ꞌruiwapari tõ da, wahöimana wapu na ꞌre ĩwahöimana mono da tsi.” — Kimberly.
ROPOTOꞌWAI MREME NHIMIROTI: ‘Tãma robdzanhamri, atsima hiri wẽ waꞌaba da, bödö hã höimana ré.’ — Mateus 5:25.
Atsitiꞌrui uꞌötsi aihöimana wamhã te dza atsihöiba wamna duré te dza aiꞌrã hã ĩwamna. Tahã te dza duré roꞌwaꞌrutu atsina aimrodzé wi.
