E ꞌwa hã Ropotoꞌwa.
Daꞌahö na te datsiwatsuꞌu dzaꞌra ni Ropotoꞌwa dzadzeiꞌwa na. Tadzahã, danhimirotsaꞌrada ahö di Ropotoꞌwai ãma. Niꞌwam norĩ ma hã Ropotoꞌwa rowairébéꞌwa ĩtsahi, te te dama ĩrobꞌmanharĩ ĩwatsété dzaꞌra uꞌöbö. Ĩhöiba amo norĩ ma hã, Ropotoꞌwa ĩtsimidzawi petse uꞌö duré ĩwatsédé te te ãma ꞌmadöꞌö dzaꞌra õ di tsiwaꞌru marĩ te te ꞌmanharĩ dzaꞌra nherẽ. Duré niꞌwam norĩ ma hã Ropotoꞌwa romhö na danhiti te ꞌre höimana duré te te daꞌãma rotsaꞌrata õ di. Danhimirotsaꞌrada ahö wa Ropotoꞌwai ãma hã, daꞌahö ma tsadai õ di da te waihuꞌu da e ꞌwa hã tô tsena Ropotoꞌwa.
E wẽ di waihuꞌu wamhã e ꞌwa hã Ropotoꞌwa. Ĩhe. Ropotoꞌwa waihuꞌu petse wamhã, aihöimanadzé hã taréi õ di dza. (Atos 17:26-28) Ropotoꞌwa ꞌre waihuꞌu mono tsidöpötsi, danhipai u te dza te te ꞌre atsawi duré te dza te te ꞌre aipawapto. (Tiago 4:8) Taha nhipai u, Ropotoꞌwa waihuꞌu petse wamhã tsada hã ꞌre aihöimana uꞌötsi mono da õne uꞌö. — João 17:3.
E niha Ropotoꞌwa te dza ĩwaihu. Rotsaꞌrata niꞌwa, atsiwaihuꞌu uptabi na. E niha atsiwaihuꞌu aba dzé ma tinhanaꞌrata duré ma tidzaꞌẽtẽ. Ãté, ma tô ĩwaihu ĩtsitsi, ĩhöimanadzé ĩwẽ, te te tãma ĩrowẽ duré te te tãma ĩrowẽꞌõ, oto te te ĩꞌmanharĩdzé hã ĩhöimanadzém na, ĩtsimirowaꞌõtõdzé mono aptoꞌoré wab da duré ãne tsidöpötsi. E marĩ wa, ma tô ãma atsiwaihuꞌu uptabi — waihuꞌu petse wa.
Ãne duré, Ropotoꞌwa wa dza waihuꞌu dzaꞌra ni ta norĩ piꞌrebamhã wa te waihuꞌu dzaꞌra wamhã:
Ĩtsõrédzé hã te dza tsadaꞌö ãhã dadzadanharĩ norĩ Ropotoꞌwai mreme dzarina. Ĩtsihötödzém norĩ ãhã ꞌremhã te dza aima waihuꞌu dzaꞌra e ꞌwa hã Ropotoꞌwa. Te dza duré aima waihuꞌu dzaꞌra e niha te dza ãma atsiwaihu duré e marĩ wa tahã aima wẽ di dza.
Ãté aima wẽ di dza taha na duré
ROꞌMADÖꞌÖꞌWA
E niha Ropotoꞌwa nhitsi.
E waihuꞌu petse di Ropotoꞌwa ĩtsitsi ĩré na hã te te ĩhöiꞌré hã õhõ tsi te te ãma uwaimrami waihuꞌu petse na hã uburé ĩtsimiropitsutu norĩ.
