Roꞌmahörö ꞌrada 3. Dahödzé

‘Te dza tihöiba . . . dadzépuꞌu nhimiwamnarĩ pire hã.’ — LUCAS 21:11 RTN.

● Bonzali te romhu dawededzéb ãma, África nhiptiꞌai waꞌõtõ ãma da te tiwi ĩrowamnarĩ dzaꞌra datsiꞌwapéi uꞌöbö. Õ hã ma tô tsiwatsutu te te pawaptob da aibö norĩ Tiꞌai ꞌrowi romhuriꞌwa norĩ. Ĩwaꞌro dzaꞌẽtẽ dzaꞌra di aré dadzépu na ĩtsépuꞌu dzaꞌra wa Marburg na ĩtsitsi. a Õ hã ma tô waptẽ dapawaptobdzéb dzô, tadzahã niꞌwa te te tsadaꞌöbö õ di. Da te daꞌapawapto wamhã 4 aꞌamo pariptsi, Bonzali ma tô dörö, aré te te dame öri wa Marburg romhuriꞌwa norĩ wi.

E MARĨ ĨROMHÖIMANADZÉ HÃ TE HÖIꞌRÉ. Dahödzé norĩ daꞌwadzaꞌa ne hã, danhana u hã, HIV/aids, tuberculose duré malária te daꞌanhimro wahup tsidöpötsi. Wahu 2004 na, ta 5 dahödzé norĩ ma tô daꞌanhimro 10,5 milhão nhipai u. Tahã te watsuꞌu 3 segundo na õne haré, niꞌwa te dörö ta dadzépuꞌu norĩ uꞌöbö, tahã wahub ꞌremhã.

E MARĨ NIꞌWAM NORĨ TE NATSI NHARĨ DZAꞌRA. Daro mono bö datsina dahöꞌö wa, tô dame dahödzé norĩ te duré te tsina höꞌö dzaꞌra. Daꞌahö di ĩtsépuꞌu dzaꞌra da hã.

E TÔ TSENA TE TE ĨNHARĨ DZAꞌRA DZÉ HÃ. Ã bötö na hã daꞌahö di duréi nhipai u. Tadzahã ma tô tsada romnhoré petse dzaꞌra ni dadzépuꞌu na duré te te petse dzaꞌra da duréi nhipai u. Tane nherẽ, dahödzé norĩ te te tsuru dzaꞌra õ di, tadzahã ĩwaꞌrãmi te tsina tihöꞌö uꞌötsi dzaꞌra.

E NIHA ATSIMIROTSAꞌRADA HÃ. E daꞌahö na te tsépata dzaꞌra ni “dadzépuꞌu nhimiwamnarĩ pire” norĩ uꞌöbö Bíblia oto te te ĩnharĩdzéb dzarina.

Daꞌahö na te robdzépata dzaꞌra ni Tiꞌai popo, mra duré dahödzé norĩ uꞌöbö. Duré ĩhöiba amo norĩ ahö na te robdzépata dzaꞌra ni nima ĩtsiré norĩ nhimiꞌmanharĩdzé uꞌöbö. ꞌMadöꞌö e marĩ Bíblia te tinha ꞌre ĩromhöimana mono dzéb da hã.

[Ĩwatsuꞌudzé hã]

[Ĩwatsuꞌudzé hã]

“Pipa di huꞌu dzéré pa niwamhã aimawi abadze te te daꞌuprotsi wamhã ãne duré danhipai u dzéma dadzépu te te aihöiba uprotsi na hã duré dadzépuꞌu nhipãrĩ norĩ ꞌmadöꞌö wamhã aiꞌrata.” — DAHÖDZÉ ROPÖ NA ROMNHORÉꞌWA MICHAEL OSTERHOLM.

[Dapoto tedeꞌwa norĩ hã]

© William Daniels/Panos Pictures