Roꞌmahörö ꞌrada 4. Datsitsawi ãna

‘ꞌRe ĩdatsitsawi petse dzaꞌra mono dzé hã dama ꞌre höimana mono õ di dza, dapẽꞌẽ ꞌremhã.’ — 2 TIMÓTEO 3:1-3

● Chris dame ĩhöiba daꞌubumro te te ꞌre ĩdapawaptom na da te dama ĩrobꞌmanharĩ watsété dzaꞌra ma hã, te rowatsuꞌu: “Wa ãma poꞌre puru piꞌõ watẽme dzaꞌra ĩwi, da te adzöri dzaꞌẽtẽ wa, te höiba waihuꞌu õ di aré watsiꞌmadöꞌö pari nherẽ ĩwana ré. Piꞌõ ĩhöiba amo norĩ te tiwi robdzeiꞌõ petse dzaꞌra tipẽꞌẽ ꞌremhã, taha wa, ꞌrãdzarõno waihuꞌu dzaꞌra õ di.”

E MARĨ ĨROMHÖIMANADZÉ HÃ TE HÖIꞌRÉ. Nima daro África ãma, piꞌõ ahö na te tãma robꞌmanharĩ dzaꞌra ni aiꞌuté ré. Ã hã darob ãma, ãma romnhoré ma tô höiꞌré aibö ahö na te te ĩrotsaꞌrata dzaꞌra na marĩ õ di te te ahöri da ĩmro norĩ. Tadzahã aibö norĩ duré te tsépata dzaꞌra taha na. Ãma ĩtsimiré Canadá ãma, aibö ahö na ma tô tsépata dzaꞌra ni ĩmro norĩ da te adzöri dzaꞌra na hã niwamhã duré aimawi robꞌmanharĩ norĩ timro dzaꞌra hawimhã.

E MARĨ NIꞌWAM NORĨ TE NATSI NHARĨ DZAꞌRA. Robꞌmanharĩ watsédé te ꞌre höimana uꞌötsi. Awaꞌawi mono hã taha na da te robdzanhamri dzaꞌra mono duréi nhipai u, taha tsi.

E TÔ TSENA TE TE ĨNHARĨ DZAꞌRA DZÉ HÃ. Robꞌmanharĩ watsété ãma da te robdzanhamri dzaꞌra mono nherẽ duréi nhipai u, dzahadu te natsi dadzô wairébé tsaꞌẽtẽ na. ꞌRe ĩdatsitsawi petse dzaꞌra mono dzé hã família ꞌremhã tsurure di.

E NIHA ATSIMIROTSAꞌRADA HÃ. Ĩwatsuꞌu ĩhöimana hã 2 Timóteo 3:1-3 ꞌremhã e te ãma uwaimra. Aima hã, ꞌre ĩdatsitsawi petse dzaꞌra mono dzé hã família ꞌremhã e tô dama ꞌre höimana mono õ di.

Ĩwatsuꞌu ꞌre ĩromhöimana mono dzé hã 5 ãma warob ãma, Tiꞌa hã. ꞌMadöꞌö Bíblia te te ĩnharĩdzé hã taha na.

[Ĩwatsuꞌudzé hã]

“Robꞌmanharĩ watsété dzaꞌẽtẽ nherẽ, piꞌuriwi te natsi tihöimana dzaꞌra. Nimahã mitsi piꞌõ te dza mo damramiꞌwa u hã 35 na ãma ĩtsahu pariptsi da te tãma ĩrobꞌmanharĩ na timro hawi.” — ROꞌMAHÖRÖꞌWA PIꞌÕ DAꞌUBUMRO DZADAWA PARA ĨDAPAWAPTOM NA DAHÖRÖDZÉM HAWI GALES ÃMA.