Romhutu na dahöimanadzé hã dza ĩwẽ uptabi!

“Oto romhutu di, tawamhã ĩwatsété norĩ ’re höimana dzaꞌra mono õ di dza. . . Ĩwẽ norĩ tsi te dza tihöimana dzaꞌra, rowẽ ãma tiꞌai ꞌre robdze uptabi na duré romharé na.” — SALMO 37:10, 11 TNM.

E te atsima ĩwẽ ꞌmadöꞌö da ãhã Bíblia watsuꞌu dza ꞌre ĩromhöimana mono dzé hã te te ãma uwaimrami da. Tô te atsima ĩwẽ tane. Wa te umnhatsi waihuꞌu petse dzaꞌra di, romhutu na tô tahã te dza watobro.

Romnhihötö ĩwana norĩ ma tô wama ãma rowatsuꞌu dzaꞌra nima Bíblia watsuꞌu norĩ te te ĩhöiꞌré dzaꞌra na hã ĩwahöimana dzaꞌra na hã ‘robꞌrãtsutu u hã oto.’ (2 Timóteo 3:1-5) Höimanaꞌuꞌö ma tô rétsi Bíblia nhihötöꞌwa norĩ te te tsihötö dzaꞌra da dza ꞌre ĩromhöimana mono dzé hã marĩ ĩwẽ dzô ꞌre wanhimipari dzaꞌra mono da. (Romanos 15:4) Ãma ĩꞌuwaimramidzé te watsuꞌu romhutu na wa te ĩrobdzépata dzaꞌra dzé hã te dza aiꞌutõ.

Bété robꞌrãtsutu parimhã, e marĩ te dza watobro. Höimanaꞌuꞌö Nhimirobꞌrudzé te dza roti daro mono bö duré dapoto mono bö. (Mateus 6:9) Bíblia te ãma rowatsuꞌu tahã bötö ré e niha dahöimanadzé hã dza Tiꞌai ãma:

● Mra baba di dza. ‘Amnho, dadzaꞌrui mono na tsaꞌwari ꞌrãihö na ꞌre ĩtsaꞌwari ꞌrãtöi mono da tsi, ĩwẽ hã! Duré ẽtẽ ꞌrãihö nhitsiwi mono hã, amnho rowaꞌu te te ꞌre ĩtsihi dzaꞌra mono da tsi, ĩwẽ hã.’ — Salmo 72:16.

● Dahödzé baba di dza. “Niꞌwa te te nharĩ õ di dza: ‘Ĩ̱hödzé di.’” — Isaías 33:24 TNM.

● Tiꞌa te dza petse ni. “Ro baba duré Tiꞌai ꞌré tãma robdze dzahuré di dza, tsupara romhöbö ma rowẽ uptabi di dza duré te dza tsirãrãꞌã açafrão ne hã.” — Isaías 35:1 TNM.

E ta norĩ uburé Bíblia watsuꞌu wẽ norĩ hã aptoꞌoré wab da. Mare di, nima norĩ tsi. Atsima wẽ wamhã, Jeová Watsuꞌuꞌwa norĩ te dza aima höiꞌré dzaꞌra e marĩ dzarina wa ãma wanhimidzadze dzaꞌra ni romhutu na dahöimanadzé hã dza ĩwẽ uptabi.