Eyesibini YeziKronike 22:1-12
22 Abahlali baseYerusalem babeka uAhaziya, unyana omncinci kakumkani esikhundleni sakhe, kuba amajoni angabaphangi awayeze nama-Arabhu abulala bonke oonyana abadala.+ Ngoko uAhaziya unyana kaYehoram waba ngukumkani wakwaYuda.+
2 UAhaziya wayeneminyaka eyi-22 ukuqalisa kwakhe ukulawula, yaye walawula unyaka omnye eYerusalem. Igama likamama wakhe yayinguAtaliya+ umzukulwana* kaOmri.+
3 Naye wenza izinto ezazisenziwa yindlu ka-Ahabhi,+ kuba umama wakhe wayengumcebisi wakhe ekwenzeni izinto ezimbi.
4 Waqhubeka esenza izinto ezimbi emehlweni kaYehova njengabendlu ka-Ahabhi, kuba baba ngabacebisi bakhe emva kokufa kukatata wakhe, bembeka kwindlela eya entshabalalweni.
5 Walandela icebiso labo waza wahamba noYehoram unyana kaKumkani uAhabhi wakwaSirayeli beyokulwa noKumkani uHazayeli+ waseSiriya eRamoti-giliyadi.+ UYehoram wonzakaliswa ngabatoli apho.
6 Wabuyela eYizereli+ ukuze aphole amanxeba awawafumana eRama xa wayesilwa noKumkani uHazayeli waseSiriya.+
UAhaziya* unyana kaYehoram+ ukumkani wakwaYuda, wehla waya kubona uYehoram+ unyana ka-Ahabhi, kuba wayonzakele.*+
7 Kodwa uThixo wavula elo thuba ukuze uAhaziya afe xa esiya kuYehoram. Akufika, waphuma noYehoram baya kudibana noYehu+ umzukulwana* kaNimshi, owakhethwa nguYehova ukuba ayitshayele* kuthi tu indlu ka-Ahabhi.+
8 Uthe uYehu xa eqalisa ukuzisa umgwebo kwindlu ka-Ahabhi, wafumana iinkokheli zakwaYuda noonyana babantakwaboAhaziya, izicaka zika-Ahaziya, wababulala.+
9 Emva koko bakhangela uAhaziya. Bamfumana ezifihle eSamariya baza bamzisa kuYehu. Bambulala baza bamngcwaba,+ kuba bathi: “Ngumzukulwana kaYehoshafati, owayemfuna uYehova ngentliziyo yakhe yonke.”+ Kwakungekho mntu wendlu ka-Ahaziya owayenamandla okulawula isizwe.*
10 Xa uAtaliya+ umama ka-Ahaziya ebona ukuba unyana wakhe ufile, waphakama waza watshabalalisa wonke umntu oyinzala yasebukhosini.*+
11 Kodwa ke, uYehoshabhati intombi kakumkani weba uYehowashe+ unyana ka-Ahaziya phakathi koonyana bakakumkani ababeza kubulawa, wambeka yena nempelesi yakhe kwigumbi lokulala elingaphakathi. UYehoshabhati intombi kaKumkani uYehoram,+ (owayengumfazi kaYehoyada+ umbingeleli nodadeboAhaziya) wamfihla ku-Ataliya ukuze angambulali.+
12 Wahlala nabo iminyaka emithandathu, efihlwe endlini kaThixo wokwenene, ngoxa uAtaliya wayelawula kwelo lizwe.
Umbhalo osemazantsi
^ Ngokoqobo, “intombi.”
^ Okanye “wayegula.”
^ Kweminye imibhalo yesiHebere kubhalwe “uAzariya.”
^ Ngokoqobo, “unyana.”
^ Ngokoqobo, “anqumle.”
^ Okanye “ubukumkani.”
^ Ngokoqobo, “yonke imbewu yobukumkani.”
