IiNdumiso 17:1-15
Umthandazo kaDavide.
17 Ndiyakucela Yehova, kuve ukucela kwam ukwenzelwa ubulungisa;Kumamele ukukhalela kwam uncedo;Wuve umthandazo wam ongenankohliso.+
2 Kwanga ungandigweba ngobulungisa;+Kwanga amehlo akho angabona izinto ezilungileyo.
3 Uyigocagocile intliziyo yam, wandihlolisisa ebusuku;+Undisulungekisile,+Uza kubona ukuba andicebanga nantoni na embi,Nomlomo wam awuthethanga nkohliso.
4 Andenzanga njengabanye abantu,Ndithobele ilizwi lemilebe yakho, ndaziphepha iindlela zootsotsi.+
5 Mandihlale ndihamba ngeendlela zakhoUkuze unyawo lwam lungakhubeki.+
6 Ndizibika kuwe Thixo wam, kuba uza kundiphendula.+
Vula iindlebe,* uweve amazwi am.+
7 Bonisa uthando lwakho olungagungqiyo ngendlela emangalisayo,+Wena Msindisi wabo bathembele ngesandla sakho sasekunene,Ubakhusele kwabo bangakuthobeliyo.
8 Ndikhusele njengelihlo lakho;+Ndifihle emthunzini wamaphiko akho.+
9 Ndikhusele kubenzi-bubi abandihlaselayo,Nakwiintshaba zam ezindijikelezileyo.+
10 Azinalusizi;*Ngomlomo wazo zithetha ngekratshi;
11 Ngoku zisirhangqile;+Zisithe ntsho zifuna ithuba lokusiwisa.
12 Ngalunye kuzo lunjengengonyama engxamele ukuqwenga ixhoba layo,Lunjengengonyama encathame engontsini.
13 Khawuphakame Yehova, umelane nalo+ uze uluwise;Ndikhusele kumenzi-bubi ngekrele lakho;
14 Nceda undikhusele ngesandla sakho Yehova,Kubantu beli hlabathi, abaphilela obu bomi,+Abo ubanika izinto ezintle ozenzileyo+Nabashiyela oonyana babo abaninzi ilifa.
15 Kodwa mna, ngenxa yobulungisa bam ndiza kububona ubuso bakho;Ndaneliswa kukubona wena* xa ndivuka.+
Umbhalo osemazantsi
^ Okanye “Goba uze umamele.”
^ Okanye “Zifuthaniselwe ngamanqatha azo.”
^ Okanye “ubunjani bakho.”
