IiNdumiso 45:1-17
Kumalathisi; mayidlalwe “ngeeNyibiba.” Eyoonyana bakaKora.+ IMaskili.* Ingoma yothando.
45 Intliziyo yam ivuselelwa yinto emnandi.
Ndithi: “Ingoma yam* ingokumkani.”+
Kwanga ulwimi lwam lungaba lusiba+ lomkhupheli* olichule.+
2 Uyeyona nzwana phakathi koonyana babantu.
Emilebeni yakho kuphuma amazwi amyoli.+
Yiyo le nto uThixo ekusikelele ngonaphakade.+
3 Bhinqa ikrele lakho+ ecaleni, wena unamandla,+Ngesidima nangobukhulu bakho.+
4 Hamba uyokoyisa* ngobukhulu bakho;+Phalisa endleleni yenyaniso nokuthobeka nobulungisa,+Yaye isandla sakho sasekunene siza kwenza* izinto ezimangalisayo.
5 Iintolo zakho zibukhali, ziwisa izizwana ngaphantsi kwakho;+Zigqobhoza iintliziyo zeentshaba zikakumkani.+
6 UThixo uyitrone yakho ngonaphakade kanaphakade;+Nentonga yobukumkani bakho yintonga yobulungisa.+
7 Ubuthandile ubulungisa,+ wabucaphukela ububi.+
Yiyo le nto uThixo, uThixo wakho, ekuthambise+ ngeoli yovuyo+ ngaphezu kwabanye abantu.
8 Zonke iimpahla zakho ziqholwe ngemore nekhala nekasiya;Kwindlu kakumkani enkulu ehonjiswe ngeempondo zendlovu, kudlalwa imirhubhe ekwenza wonwabe.
9 Phakathi kwamanenekazi akho abekekileyo, kukho iintombi zookumkani.
Ukumkanikazi umi ngasekunene kwakho, ehombe ngegolide yakwaOfire.+
10 Mamela, ntombi yam, qaphela uze usondeze indlebe yakho;Balibale abantu bakowenu nendlu katata wakho.
11 Ukumkani uza kubufuna shushu ubuhle bakho,Kuba uyinkosi yakho,Ngoko qubuda kuye.
12 Intombi yaseTire iza kuza iphethe isipho;Ezona zityebi phakathi kwabantu ziza kuzicengezela kuwe.*
13 Phakathi endlini kakumkani intombi yokumkani iyakhazimla;Isinxibo sayo sihonjiswe ngegolide.
14 Iza kuziswa kukumkani inxibe iimpahla ezilukiweyo.*
Iintombi eziyilandelayo ezingazange zalala nandoda ziziswa kuwe.
15 Ziza kuziswa ngemihlali nokuvuya;Ziza kungena kwindlu kakumkani.
16 Oonyana bakho baza kuthatha indawo yookhokho bakho.
Uza kubenza iinkosana emhlabeni wonke.+
17 Ndiza kulazisa igama lakho kuzo zonke izizukulwana ezizayo.+
Yiyo le nto izizwana ziza kukudumisa ngonaphakade kanaphakade.
Umbhalo osemazantsi
^ Funda Ingcaciso Yamagama.
^ Ngokoqobo, “Imisebenzi yam.”
^ Okanye “yipeni yombhali.”
^ Ngokoqobo, “siza kukufundisa.”
^ Okanye “uyokuphumelela.”
^ Okanye “ziza kubenza buthambe ubuso bakho.”
^ Okanye kusenokwenzeka, “ezihonjisiweyo.”
