Isaya 1:1-31
1 Lo ngumbono kaIsaya*+ unyana ka-Amotsi ngoYuda neYerusalem ngemihla kaUziya,+ uYotham,+ uAhazi+ kunye noHezekiya,+ ookumkani bakwaYuda:+
2 Yivani mazulu, uze ubaze indlebe wena mhlaba,+Kuba uYehova uthe:
“Ndikhulise oonyana, ndabondla,+Kodwa baye bandijikela.+
3 Inkunzi yenkomo imazi kakuhle umthengi wayo,Nedonki iyasazi isitali somnikazi wayo.Kodwa uSirayeli akandazi,*+Abantu bam baziphethe okwabantu abangenalwazi.”
4 Luza kuthi shu olu hlanga lunesono!+Abantu abasindwa ziziphoso,Inzala yamadoda angabenzi-bubi, abantwana abonakeleyo!
Baye bamshiya uYehova;+Baye abamhlonipha Lowo Ungcwele kaSirayeli;Baye bamnikela umva.
5 Kazi niza kuphinda nibethwe phi, njengokuba nisiya ningathobeli nje?+
Intloko yonke iyagula,Nentliziyo yonke inesifo.+
6 Ukususela esithendeni ukuya kutsho entloko, akukho ndawo iphilileyo.
Banamanxeba nemigruzuko nezilonda.Khange zikhathalelwe,* zibotshwe, okanye zenziwe zithambe ngeoli.+
7 Ilizwe lenu litshabalele.
Izixeko zenu zitshiswe ngomlilo.
Ilizwe lenu ligqitywa ziintlanga nijongile.+
Linjengommandla obhukuqwe ziintlanga.+
8 Intombi yaseZiyon ishiyiwe oku kwekhusi elikwintsimi yeediliya,*Njengekhusi elikwintsimi yeetyhukhamba,Njengesixeko esirhangqiweyo.+
9 Ukuba uYehova wemikhosi wayengashiyanga abambalwa,Ngesaba njengeSodom,Ngesafana neGomora.+
10 Yivani ilizwi likaYehova nina bozwilakhe* baseSodom.+
Mamelisisani umthetho* kaThixo wethu nina bantu baseGomora.+
11 “Indinceda ngantoni imibingelelo yenu emininzi?”+ utsho uYehova.
“Ndanele yimibingelelo yenu etshiswa ngomlilo yeenkunzi zeegusha+ namanqatha ezilwanyana ezondlekileyo,+Alindivuyisi negazi+ lamathole eenkomo aziinkunzi,+ elamatakane eegusha neleebhokhwe.+
12 Sukube nibizwe ngubaniXa nizokuma phambi kwam,+Le nto nizokunyathela eyadini yam?+
13 Ningaphindi nizise iminikelo yokutya engenaxabiso.
Ndiyasenyanya isiqhumiso senu esiqholiweyo.+
Nibhiyozela ukuthwasa kweenyanga,+ iisabatha,+ nibiza neendibano.+Ndiyazicaphukela iindibano zenu kuba nenza nemilingo.+
14 Ndiye ndazicaphukela iinyanga zenu ezithwasayo, namatheko enu.
Ziye zandisinda.Ndidiniwe kukuzinyamezela.
15 Naxa niphakamisa izandla,Ndiyawafihla amehlo am kuni.+
Nangona nithandaza kaninzi,+Andinimamelanga.+Izandla zenu zigcwele ligazi.+
16 Hlambani, zicoceni.+Yekani izinto ezimbi enizenzayo phambi kwam.Yekani ukwenza izinto ezingalunganga.+
17 Fundani ukwenza izinto ezilungileyo, funani ubulungisa,+Mlungiseni umcinezeli,Mkhuseleni umntwana ongenatata,*Mthetheleleni umhlolokazi.”+
18 “Khanize silungise izinto phakathi kwethu,” utsho uYehova.+
“Nangona izono zenu zibomvu njengegazi,Ziza kwenziwa mhlophe njengekhephu;+Nangona zibomvu njengelaphu elibomvu krwe,Ziza kuba mhlophe njengoboya.
19 Ukuba niyamamela,Niza kutya izinto ezilungileyo zelizwe.+
20 Kodwa ukuba niyala nize ningathobeli,Niza kudliwa likrele,+Kuba uYehova utshilo.”
21 Isixeko esithembekileyo+ siye saba ngumfazi othengisa ngomzimba!+
Sasigcwele okusesikweni;*+Ubulungisa babukade buhlala kuso,+Kodwa ngoku sinababulali.+
22 Isilivere yakho iye yayintlenge,+Utywala* bakho bungxengwe ngamanzi.
23 Iinkosana zakho zineenkani yaye zisebenzisana namasela.+
Zonke zithanda isinyobo ibe zileqana nezipho.+
Aziyiphathi ngobulungisa inkedama,*Isimangalo somhlolokazi azisimameli.+
24 Ngoko ke iNkosi, uYehova wemikhosi,Lowo Unamandla kaSirayeli, uthi:
“Yivan’ apha! Ndiza kuzitshabalalisa iintshaba zam,Ndiza kuziphindezelela kwiintshaba zam.+
25 Ndiza kunijikela,Ndiza kunikhama kusuke yonke intlenge kuni,Ndibususe bonke ubumdaka kuni.+
26 Ndiza kuphinda ndibeke abagwebi njengasekuqaleni,Ndibuyise abacebisi bakho njengakuqala.+
Emva koko uza kubizwa ngokuba usisiXeko Sobulungisa, iDolophu Ethembekileyo.+
27 IZiyon iza kukhululwa ngokusesikweni,*+Nabantu bayo ababuyileyo, ngobulungisa.
28 Abantu abangathobeliyo naboni baza kwaphulwa ngaxeshanye,+Yaye abo bashiya uYehova baza kutshatyalaliswa.+
29 Kuba baza kuba neentloni ngemithi emikhulu abayifunayo,+Yaye niza kuhlazeka ngenxa yemiyezo eniyikhethileyo.*+
30 Kuba niza kuba njengomthi omkhulu onamagqabi abunayo,+Nanjengomyezo ongenamanzi.
31 Indoda enamandla iza kufana nengca eyomileyo,Nomsebenzi wayo ube yintlantsi.Zombini ziza kutsha ngaxeshanye,Kungabikho mntu uzicimayo.”
Umbhalo osemazantsi
^ Othetha ukuthi “UYehova Uyasindisa.”
^ Okanye “akayazi inkosi yakhe.”
^ Ngokoqobo, “zicudiswe.”
^ Okanye “oku kwendawo yokufihla intloko ekwintsimi yeediliya.”
^ Okanye “balawuli.”
^ Okanye “umyalelo.”
^ Okanye “Yithetheleleni inkedama.”
^ Okanye “ubulungisa.”
^ Okanye “Ibhiya yakho yengqolowa.”
^ Okanye “Azimphathi ngobulungisa umntwana ongenatata.”
^ Okanye “ngobulungisa.”
^ Kubonakala ukuba iigadi nemithi zazinento yokwenza nokukhonza izithixo.
