Ngubani UThixo?
Baninzi abantu abathi ukhona uThixo. Kodwa xa ubabuza ukuba ungubani, baphendula ngeendlela ezingafaniyo. Abanye bathi uThixo ungumgwebi okhohlakeleyo, ohlalele nje ukohlwaya abantu abenza izinto ezimbi. Abanye bathi usoloko ebathanda abantu ibe ebaxolela enoba benza ntoni na. Kukho nabathi uThixo ukude kakhulu ibe akanamdla ebantwini. Ngenxa yokuba kuthethwa izinto ezingafaniyo kangaka ngoThixo, abaninzi basenokuthi asinakumazi ukuba ungubani.
Kubalulekile ukumazi? Ewe kubalulekile. Xa umazi kakuhle uThixo, uza kutsho ube nento oyiphilelayo. (IZenzo 17:26-28) Xa usiya usondela kuThixo, uza kukuthanda aze akuncede nangakumbi. (Yakobi 4:8) Ekugqibeleni, ukumazi kakuhle uThixo kunokusinceda siphile ubomi obungunaphakade.—Yohane 17:3.
Unokumazi njani uThixo? Khawucinge ngomntu omazi kakuhle, njengomhlobo osondeleyo. Baqala njani ubuhlobo benu? Kusenokwenzeka ukuba waqala wazi igama lakhe, uhlobo lomntu anguye, izinto azithandayo nangazithandiyo, izinto azenzileyo nafuna ukuzenza, nezinye izinto. Zezo zinto ezakutsalayo kuloo mntu, wamfunda.
Ngendlela efanayo, sinokumazi uThixo ngokufunda ngale mibuzo:
Le magazini yenzelwe ukuphendula le mibuzo ngeBhayibhile. Iza kukunceda wazi ukuba uThixo ungubani, wazi nokuba kuza kukunceda njani ukusondela kuye.
Mhlawumbi Ungayithanda Nale
UVUKANI!
Ngaba Ukhona UThixo? Kutheni Umele Uyihoye Nje Loo Nto?
Ingasinceda na impendulo yombuzo abantu abaninzi abathi unzima okanye awubalulekanga?
IMBONISELO
Ngaba Ngokwenene Sinokumazi UThixo?
Iimpawu zobuntu bukaThixo esingenakukwazi ukuziqonda ngokupheleleyo zinokusinceda sisondele kuye.
