INQAKU ELINGUMXHOLO | NGOOBANI AMANGQINA KAYEHOVA?
Yintoni ayikholelwayo amaNgqina kaYehova?
AmaNgqina kaYehova akholelwa ukuba “sonke iSibhalo siphefumlelwe nguThixo kwaye siyingenelo.” (2 Timoti 3:16) Sikhokelwa yiBhayibhile, ibe yiyo esifundisa ngoMdali nendlela yokuphila ubomi obunenjongo.
IBhayibhile ithi: “Ukuze abantu bazi ukuba wena, ogama linguYehova, nguwe wedwa Oyena Uphakamileyo phezu komhlaba wonke.” (INdumiso 83:18) Ngoko ke, sinqula uYehova Thixo kuphela yaye sizama ukwazisa igama lakhe njengamaNgqina akhe.—Isaya 43:10-12.
NjengamaKristu, sikholelwa ukuba uYesu ‘nguNyana kaThixo,’ * weza emhlabeni waza waba nguMesiya. (Yohane 1:34, 41; 4:25, 26) Emva kokufa kwakhe, wavuselwa ezulwini. (1 Korinte 15:3, 4) Kamva, waba nguKumkani woBukumkani bukaThixo. (ISityhilelo 11:15) Obo Bukumkani ngurhulumente wokwenene oya kubuyisela iParadesi emhlabeni. (Daniyeli 2:44) IBhayibhile ithi: “Abalulamileyo baya kuwudla ilifa umhlaba, baziyolise ngokugqibeleleyo ngobuninzi boxolo.”—INdumiso 37:11, 29.
“Xa efunda iBhayibhile, akholelwa ukuba uThixo uthetha nawo. Nanini na edibana nengxaki ebomini, athatha iLizwi likaThixo aze akhangele isicombululo kulo. . . . KumaNgqina iLizwi likaThixo lisaphila.”—Umfundisi wamaKatolika uBenjamin Cherayath, kwiphepha-ndaba laseJamani iMünsterländische Volkszeitung
AmaNgqina kaYehova akholelwa ukuba imigaqo yeBhayibhile inokubanceda abantu nanamhlanje. (Isaya 48:17, 18) Ngenxa yoko, sizama ukuphila ngemigaqo yayo. Ngokomzekelo, ekubeni iBhayibhile isilumkisa ukuba siphephe imikhwa enokungcolisa ingqondo nemizimba yethu, asitshayi okanye sisebenzise iziyobisi. (2 Korinte 7:1) Siyayiphepha nemikhwa egxekwayo yiBhayibhile, njengokunxila, ukuziphatha kakubi ngokwesondo nobusela.—1 Korinte 6:9-11.
^ isiqe. 5 IBhayibhile ikwathi uYesu ‘nguNyana okuphela kozelweyo kaThixo’ kuba wayengowokuqala kwindalo yaye nguye kuphela awamdala ngokwakhe uYehova.—Yohane 3:18; Kolose 1:13-15.
Mhlawumbi Ungayithanda Nale
IMIBUZO ABANTU ABAQHELE UKUYIBUZA
Yintoni Ayikholelwayo AmaNgqina KaYehova?
Fumana ushwankathelo lweenkolelo zethu ezisisiseko eziyi-15.
IMIBUZO ABANTU ABAQHELE UKUYIBUZA
Ngaba AmaNgqina KaYehova Akholelwa Ukuba Icawa Yawo Yeyona Ichanileyo?
Ngaba uYesu wathi zininzi iindlela ezikhokelela elusindisweni?
IZINTO EZIBALULEKILEYO EZIFUNDISWA YIBHAYIBHILE
Ngaba UThixo Unalo Igama?
UThixo unezibizo ezininzi, ezinye zazo nguSomandla, uMdali nesithi Nkosi. Kodwa igama likaThixo lisetyenziswa ngaphezu kwezihlandlo eziyi-7 000 eBhayibhileni.
