Iimpendulo Zemibuzo YeBhayibhile
Ngaba abafi bangaphinda baphile?
UMdali wobomi angohlulwa yintoni ukusivusa ekufeni?
UYehova uThixo unguMthombo wobomi. (INdumiso 36:9) Akubonakali kusengqiqweni ke ukuba kwalo Thixo angaphinda abanike ubomi abo bafileyo? IBhayibhile ithembisa ukuba uya kwenza kanye oko kwikamva. (Funda iZenzo 24:15) Kutheni eza kubavusa nje?
Kaloku kwasekuqaleni injongo yoMdali wethu yayikukuba siphile ngonaphakade apha emhlabeni. (Genesis 1:31; 2:15-17) Loo njongo ayikatshintshi. Uba buhlungu xa esibona sisebunzimeni, siphila ubomi obufutshane obuzele ziinkxwaleko.—Funda uYobhi 14:1, 14, 15.
Baza kuvuselwa phi abafileyo?
Ngaba uThixo waludalela ukuphila ezulwini uluntu? Akunjalo. Izulu walidalela iingelosi. Abantu bona wabadalela ukuphila emhlabeni. (Genesis 1:28; Yobhi 38:4, 7) Unaloo nto engqondweni, cinga ngendlela uYesu awayebavusa ngayo abafileyo. Wayebavusela apha emhlabeni. Ngokufanayo, kwixesha elizayo abo bavusiweyo baza kuvuselwa apha emhlabeni.—Funda uYohane 5:28, 29; 11:44.
Sekunjalo, uThixo ukhethe iqaqobana labantu ukuba liphile ezulwini, linemizimba yomoya. (Luka 12:32; 1 Korinte 15:49, 50) Abo baza kube bevuselwe ezulwini baza kulawula umhlaba noKristu.—Funda iSityhilelo 5:9, 10.
Mhlawumbi Ungayithanda Nale
IMBONISELO
Ithemba Ngabafi—Yintoni Enokukwenza Uqiniseke Ngalo?
IBhayibhile inezizathu ezibini ezivakalayo ezisenza siqiniseke ngovuko.
IMIBUZO YEBHAYIBHILE IYAPHENDULWA
Yintoni Uvuko?
Kungakumangalisa ukwazi ukuba ngoobani abaza kuvuswa ekufeni.
IMIBUZO YEBHAYIBHILE IYAPHENDULWA
Ngoobani Abaya Ezulwini?
Yinto exhaphakakileyo ubuxoki bokuba bonke abantu abalungileyo baya ezulwini. Yintoni ngokwenene efundiswa yiBhayibhile?
