NOVEMBA 21, 2014
EUKRAINE
Inkcazelo Eyongezelelekileyo: AmaNgqina KaYehova Anceda Abantu Abaninzi EUkraine
ELVIV, eUkraine—AmaNgqina kaYehova ahlal’ enceda amanye amaKristu athwaxwa yimfazwe kummandla okwimpuma yeUkraine.
AmaNgqina amalunga nayi-7 500 aye abaleka imfazwe, ibe aphantse abe yi-4 000 anyamekelwa ziikomiti ezincedayo ezisixhenxe ezilungiselelwe yiofisi yesebe yamaNgqina kaYehova eLviv. Amaxhoba aseleyo athathwe zizalamane namaNgqina aseUkraine naseRashiya. Ezinye iikomiti zokunceda ezintandathu zinyamekela amaNgqina angaphezu kwayi-17 500 asekulo mmandla wemfazwe.
Iibhombu zatshabalalisa izindlu eziliqela zamaNgqina, kuquka le ikwilali yaseSemenivka, kummandla weDonetsk.
Isebe laseLviv lithe kusweleke kusweleke amaNgqina amathandathu okoko iqalile imfazwe. Elinye iNgqina laseKramatorsk lasweleka ngoJuni 17, 2014, xa kwadubula ibhombu ecaleni kwemoto elalikuyo. Kwakhona le bhombu yasuba ubomi bamanye amaNgqina amahlanu ahlala eDonetsk, eSloviansk, eRozkishne naseLuhansk.
Iofisi yesebe iye yanceda ekuphindeni kwakhiwe iindawo zokunqulela namakhaya amaNgqina.
AmaNgqina alungisa uphahla lwendlu kwisixeko saseSloviansk.
Fowunela:
UJ. R. Brown, Office of Public Information, tel. +1 718 560 5000
EUkraine: UVasyl Kobel, tel. +38 032 240 9323
Mhlawumbi Ungayithanda Nale
EZISEMATHENI
Iindaba NgamaNgqina AseUkraine NaseCrimea
Nakubeni kuye kwaqhambuk’ udushe eUkraine naseCrimea, amaNgqina kaYehova aza kuba neendibano zengingqi ezimalunga neziyi-40 neziza kuthetha ngexesha laxa kulawula uBukumkani bukaThixo.