Abantu abaninzi baxelelwa ukuba asinakude simazi umntu owabhala iBhayibhile. Kodwa iBhayibhile iyabachaza ababhali bayo. Ezinye iincwadi zeBhayibhile ziqala ngokuthi “amazwi kaNehemiya,” “umbono kaIsaya,” nokuthi “ilizwi likaYehova elafika kuYoweli.”—Nehemiya 1:1; Isaya 1:1; Yoweli 1:1.

 Ababhali beBhayibhile abaninzi bavuma ukuba babhala izinto abazithunywe nguYehova, uThixo okuphela koyinyaniso. Kwizihlandlo ezingaphezu kwama-300, abaprofeti ababhala iZibhalo zesiHebhere bathi: “Utsho uYehova ukuthi.” (Amosi 1:3; Mika 2:3; Nahum 1:12) Abanye ababhali banikwa imiyalelo kaThixo ziingelosi.—Zekariya 1:7, 9.

 IBhayibhile yabhalwa ngamadoda amalunga nama-40 ngeminyaka emalunga ne-1 600. Amanye amadoda asetyenziswa ukubhala iincwadi ezingaphezu kwenye. IBhayibhile sinokude sithi lithala elincinane leencwadi ezingama-66. Ineencwadi ezingama-39 zeZibhalo zesiHebhere, ezibizwa ngabaninzi ngokuba yiTestamente Endala, neencwadi ezingama-27 zeZibhalo zamaKristu zesiGrike, ezidla ngokubizwa ngokuba yiTestamente Entsha.