იეჰოვაშე კურთხევეფ მიღკონ თიშენ იაკობ ანგელოზის ორკინუდ (დბ. 32:24—31; ოს. 12:3, 4). მუშ რაგად შილებე ჩქინდე? ქომღუნანო სურვილ, ირნერო დევემორჩილათ იეჰოვას დო მიბღათ თიშე კურთხევეფ? მაგალთო, მუჭო მიფქციებუთ, მუჟამსით გადაწყვეტილებაშ წოხოლე ქიგებდირთუთ კრებაშ შეხვალამაშა იბდათ დოვარ სამუშას დამატებით დროთ იმუფშუათ? მუჟამსით ჩქინ დროს, ენერგიას დო შესაძლებლობეფს იეჰოვაშ მსახურებაშო გიმიბრინუანთ, თინა კურთხევეფს ვამმარკენა (მლ. 3:10). ღორონთ ქომხემძღვანელენა, დოფთხილანა დო იზრუნენს ჩქინ საჭიროებეფშო (მთ. 6:33; ებ. 13:5).

ქუჯინ ვიდეოს: „ყურადღება სულიერ მიზნეფშე შხვა მუდგარენშა ვეგნიღა“. უკულ ქუპასუხ თუდო მოჩამილ კითხვეფს:

• მუჭო გინართჷ დას რწმენაშ გამოცდათ თი საქმექ, ნამუთ უჸორდჷ?

• მუჭო შილებე სამუშაქ ჩქინო რწმენაშ გამოცდათ გინირთას?

• მუშენ ოკო უღუდკო ტიმოთეს სულიერ მიზნეფ თიშ უმკუჯინუო, ნამდა უკვე რდუ სულიერო მოწიფულ? (1ტმ. 4:16).

• მუჭო ვოძირანთ, მუ რე ჩქინ ცხოვრებას არძაშ უმოს მნიშნელოვან?